Atyraýdaǵy Ǵ.Slanov atyndaǵy oblystyq ǵylymı-ámbebap kitaphanada Saraıshyq týraly jańa kitaptyń tanystyrylymy ótti. Qazaqstan Jazýshylar jáne Jýrnalıster odaǵynyń múshesi, «Qazaqstan-Zaman» gazetiniń bas redaktory Ertaı Aıǵalıulynyń «Saraıshyq hanshasy jáne Ivan Groznyı» atty kitaby «Taımas» baspa úıinen 1000 danamen jaryq kórgen.
«Saraıshyq hanshasy jáne Ivan Groznyı» atty qos jelili tarıhı romanda tarıhymyzdyń tereń qoınaýynda qalǵan Saraıshyq qalasynyń sol kezdegi (IH-HVI ǵasyrlarda) ómir tynysy men tirshiligi, órkendeý men gúldený dáýiri jáne kúıreýin ańyzdyq mıfologııalyq keıipker Aqqý hansha jáne basqa da tarıhı tulǵalar arqyly shynaıy sýrettedim. 1581 jyly álemdegi eń sulý qalalardyń biri, Noǵaı ordasy men Qazaq handyǵynyń astanasy bolǵan Saraıshyqty orys patshasy Ivan Groznyı qırattyrady. Beıbit qalanyń turǵyndaryn, baılyǵyn tonaıdy. Qosarly jelide Aıagúl bastaǵan balalar qalanyń tarıhyn zertteıdi jáne óli qalanyń Jaıyq ózenine jutylyp ketpeýi úshin kúres júrgizedi. Romannyń tartysty da, shytyrman oqıǵalary jas oqyrmandardy ǵana qyzyqtyrmaıdy, tarıhı-tanymdyq turǵyda aıtylǵan máseleler aǵa býynnyń da nazaryn aýdarary sózsiz», – dedi kitap avtory.
Joldasbek ShО́PEǴUL,
«Egemen Qazaqstan».
Atyraý oblysy.