Keshe Májilis Tóraǵasynyń orynbasary J.Káribjanovtyń tóraǵalyǵymen Úkimet saǵaty bolyp ótti. Onda “Memlekettik statıstıkany jetildirýdiń basty baǵyttary” degen taqyryp talqyǵa salyndy. Úkimet saǵatynda atalǵan taqyryp boıynsha Statıstıka agenttiginiń tóraǵasy Álıhan Smaıylov baıandama jasady.
Agenttik statıstıkanyń 20 salasy boıynsha myńnan astam negizgi jáne 16 myńǵa jýyq naqtylanǵan statıstıkalyq kórsetkishterdi ázirleıdi, dedi tóraǵa. Qajetti aqparatty alý úshin statıstıka organdary statıstıkalyq qyzmetti júzege asyrý aıasynda 190 myńnan asa zańdy tulǵalarmen, fılıaldar jáne ókildiktermen, 48 myń jeke kásipkerlermen, 33 myń úı sharýashylyqtarymen ózara is-qımyl júrgizip, 11 myń tirkeý oryndary boıynsha baǵany tirkeý jáne basqa da baıqaýlar ótkizgen.
Aǵymdaǵy jylǵy 27-28 mamyrda Astanada Ekonomıkalyq yntymaqtastyq uıymy quramyndaǵy 10 qatysýshy eldiń ulttyq statıstıkalyq ofısteri basshylarynyń ekinshi keńesin ótkizý josparlanyp otyr.
Úkimet saǵatynda depýtattar tarapynan áralýan pikirler aıtylyp, olardyń qoıǵan kóptegen suraqtaryna jaýap berildi.
Asqar TURAPBAIULY.