Ekologııa, geologııa jáne tabıǵı resýrstar mınıstri eki óńirdiń departament basshylaryn taǵaıyndady, dep habarlaıdy Egemen.kz vedomstvonyń Facebook paraqshasyna silteme jasap.
Ekologııa, geologııa jáne tabıǵı resýrstar mınıstrliginiń buıryǵymen 2022 jylǵy 7 qyrkúıekten bastap Abaı oblysy boıynsha ekologııa departamentiniń basshysy Serik Abdýllauly Sarbasov taǵaıyndaldy.
Serik Abdýllauly Ońtústik Qazaqstan oblysynda 1987 jyly 3 qańtarda dúnıege kelgen.
2008 jyly Q.A.Iаssaýı atyndaǵy Halyqaralyq qazaq-túrik ýnıversıtetin «Bıologııa» mamandyǵy boıynsha bitirdi. 2013 jyly Qazaqstan ınjenerli-pedagogıkalyq halyqtar Dostyǵy ýnıversıtetin «ekonomıka» mamandyǵy boıynsha támamdaǵan.
Eńbek jolyn 2008 jyly QR Qorshaǵan orta qorǵaý mınıstrligi Ekologııalyq retteý jáne baqylaý komıtetiniń Shý-Talas ekologııa departamentiniń Ońtústik Qazaqstan oblystyq fılıalynda zerthanashy bolyp bastaǵan.
2011-2019 jyldar aralyǵynda Ekologııa, geologııa jəne tabıǵı resýrstar mınıstrligi Ekologııalyq retteý jáne baqylaý komıtetiniń Ońtústik Qazaqstan, Almaty, Pavlodar oblystarynyń ekologııa departamentterinde bas maman qyzmetin atqarǵan.
2019 jyly Shymkent qalasy boıynsha Ekologııa departamentiniń memlekettik ekologııalyq baqylaý bóliminiń basshysy - Aǵa memlekettik ekologııalyq ınspektory laýazymynda qyzmet atqardy.
2021 jyly Almaty oblysy boıynsha ekologııa departamenti basshysy orynbasary – Bas memlekettik ekologııalyq ınspektory qyzmetin atqarǵan.
2022 jyldyń 7 qyrkúıeginen bastap Abaı oblysy boıynsha ekologııa departamenti basshysy qyzmetine taǵaıyndaldy.
Sonymen qatar, Ekologııa, geologııa jáne tabıǵı resýrstar mınıstrliginiń buıryǵymen Jambyl oblysy boıynsha ekologııa departamentiniń jańa basshysy bolyp Arsen Hasenuly Latypov taǵaıyndaldy.
Arsen Hasenuly Soltústik Qazaqstan oblysynda 1986 jyly 2 jeltoqsanda dúnıege kelgen.
2008 jyly L. N. Gýmılev atyndaǵy Evrazııalyq ulttyq ýnıversıtetin «Standarttaý, metrologııa jáne sertıfıkattaý» mamandyǵymen bitirdi. 2011 jyly L. N. Gýmılev atyndaǵy Evrazııalyq ulttyq ýnıversıtetiń «ekologııa» magıstri atanyp, 2014 jyly Qaztutynýodaǵy Qaraǵandy ekonomıkalyq ýnıversıtetin «ekonomıka» mamandyǵy boıynsha támamdaǵan.
Eńbek jolyn 2008 jyly «Qazaqstan metrologııa ınstıtýty» RMK, ǵylymı zertteýler jáne aqparattyq qyzmet kórsetý zerthanasynyń I sanattaǵy mamany bolyp bastaǵan.
2019 jyly Ekologııa, geologııa jəne tabıǵı resýrstar mınıstrligi Ekologııalyq retteý jáne baqylaý komıteti lısenzııalaý basqarmasynyń bas sarapshysy, Ekologııalyq saıasat jáne turaqty damý departamenti ekologııalyq monıtorıng basqarmasynyń basqarma basshysy, 2020 jyly Jambyl oblysy boıynsha Ekologııa departamenti basshysynyń orynbasary - Jambyl oblysy boıynsha Bas memlekettik ekologııalyq ınspektory laýazymdarynda qyzmet atqardy.
2022 jyldyń 9 qyrkúıeginen bastap búgingi kúnge deıin Jambyl oblysy boıynsha ekologııa departamenti basshysynyń orynbasary qyzmetin atqaryp keledi.