Jas belsendiler – bir tolqynda

Májilis depýtaty, partııa fraksııa­synyń múshesi Elnur Beısenbaev jıynda Memleket basshysynyń Joldaýda jas urpaqqa erekshe nazar aýdarǵanyn atap ótti. «Elimizde búginde 70 myńnan astam memlekettik bilim granty bólinedi. Damyǵan eýropalyq memleketterdiń kóbinde mundaı jeńildik joq. Bul sizderge berilip otyrǵan zor múmkindik. Sebebi bilimdi, bilikti azamattardyń ómirde óz ornyn taba alýy – memleket úshin asa mańyzdy. Shamamen, Qazaq­stannyń árbir úshinshi turǵyny – jas azamat. Sondyqtan, Ádiletti Qazaq­stan­dy qurý isinde árqaısysyńyzdyń qosqan úlesińiz mańyzdy», dep atap ótti Májilis depýtaty.

«Jastar Rýhy» jastar qanatynyń tóraǵasy Nurjan Jetpisbaev Joldaýda jastar arasyndaǵy jumyssyzdyqpen kúres sharalary, atap aıtqanda kásipker­likti kótermeleý arqyly jas urpaqqa qoldaý kórsetý máselesi aıryqsha aıtyl­ǵanyna nazar aýdardy.

«Prezıdent jastarǵa 2,5%-ben jeńil­detilgen nesıe beriletinin málimdedi. Bul bastama qoǵamda qyzý talqylanýda. Aldaǵy ýaqytta Qazaqstandaǵy shaǵyn bıznes jastardyń tyń bastamalary arqyly jańa deńgeıge kóteriletinine senim­dimin. Osylaısha, memleket jas­tarǵa aıryqsha nazar aýdaryp qana qoı­maı, eńbeksúıgishtik pen kásibı sheber­likti kótermelep otyr. Al onsyz tabys­ty kásip qurý múmkin emes», dedi ol.

О́z kezeginde, Talap KEAQ prezıdenti Sholpan О́telbaeva memleket jastardyń bilim deńgeıin arttyrý úshin kóp kúsh jumsaıdy dep sanaıdy.

«Bir kezderi Aqyl bilim berý depo­zıtimen aınalystym. Sol kezde osy jınaqtaýshy júıeni ár bala qarajat ala alatyndaı etip túrlendirý týraly oı paıda boldy. Memleket basshysy Ulttyq qordyń jyl saıynǵy ınvestısııalyq tabysynyń bir bóligi 18 jasqa tolmaǵan árbir qazaqstandyqqa baǵyttalatynyn aıtqan kezde erekshe qýandym», dedi ol.

Prezıdent janyndaǵy Memlekettik basqarý akademııasynyń rektory Erlan Ábildiń paıymdaýynsha, Memleket basshysy jarııalaǵan memlekettik basqarý júıesin qaıta jańǵyrtý jumysy ana­ǵur­lym bilikti ári talantty mamandardy tartýǵa múmkindik beredi.