2014 jylǵy 26 naýryz, Astana, Úkimet Úıi
Mindetti kásiptik zeınetaqy jarnalaryn júzege asyrý qaǵıdalaryn bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 6-babynyń 6-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Mindetti kásiptik zeınetaqy jarnalaryn júzege asyrý qaǵıdalary bekitilsin.
2. «Qyzmetkerdiń mindetti kásiptik zeınetaqy jarnalaryn esepteý úshin alynatyn aı saıynǵy tabysyn aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 26 tamyzdaǵy №849 qaýlysynyń (Qazaqstan Respýblıkasynyń PÚAJ-y, 2013 j., №50, 693-qujat) kúshi joıyldy dep tanylsyn.
3. Osy qaýly 2014 jylǵy 1 naýryzdan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2014 jylǵy 26 naýryzdaǵy № 255 qaýlysymen bekitilgen
Mindetti kásiptik zeınetaqy jarnalaryn júzege asyrý qaǵıdalary
1. Jalpy erejeler
1. Osy Mindetti kásiptik zeınetaqy jarnalaryn júzege asyrý qaǵıdalary (budan ári – Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 6-babynyń 6-1) tarmaqshasyna sáıkes ázirlendi jáne mindetti kásiptik zeınetaqy jarnalaryn júzege asyrý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) eńbek jaǵdaılary zııandy (erekshe zııandy) jumystarmen aınalysatyn qyzmetker (budan ári – qyzmetker) – jumys berýshimen eńbek qatynastarynda turatyn jáne eńbek sharty boıynsha tikeleı jumys oryndaıtyn, kásipteri óndiristerdiń, jumystardyń, qyzmetkerler kásipteriniń tizbesinde kózdelgen zııandy eńbek jaǵdaılary (erekshe zııandy) jumystarmen aınalysatyn jeke tulǵa;
2) zııandy (erekshe zııandy) eńbek jaǵdaılary – belgili bir óndiristik faktorlardyń áseri qyzmetkerdiń eńbekke qabilettiliginiń tómendeýine nemese syrqattanýyna ne onyń urpaqtarynyń densaýlyǵyna teris yqpaly bolýyna ákep soqtyratyn eńbek jaǵdaılary;
3) mindetti kásiptik zeınetaqy jarnalary esebinen zeınetaqymen qamsyzdandyrý týraly shart – salymshy (alýshy) talaptaryn usynylǵan shartqa tutastaı qosylý arqyly ǵana qabyldaı alatyn qosylý sharty;
4) eńbek jónindegi ýákiletti memlekettik organ – Qazaqstan Respýblıkasynyń zańnamasyna sáıkes eńbek qatynastary salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ;
5) ýákiletti uıym (budan ári – Ortalyq) – Qazaqstan Respýblıkasy Úkimetiniń sheshimi boıynsha qurylǵan respýblıkalyq memlekettik qazynalyq kásiporyn;
6) biryńǵaı jınaqtaýshy zeınetaqy qory – zeınetaqy jarnalaryn tartý jáne zeınetaqy tólemderi jónindegi qyzmetti júzege asyratyn zańdy tulǵa;
7) óndiristik obektilerdi eńbek jaǵdaılary boıynsha attestattaý – óndiristik obektilerdi (óndiristik qyzmetti júzege asyratyn sehtardy, ýchaskelerdi, jumys oryndaryn, sondaı-aq jumys berýshilerdiń bólek turǵan ózge de bólimshelerin) olarda oryndalatyn jumystar qaýipsizdiginiń jaı-kúıin, zııandylyǵyn, aýyrlyǵyn, qaýyrttyǵyn, eńbek gıgıenasyn aıqyndaý jáne óndiristik orta jaǵdaılarynyń eńbek qaýipsizdigi jáne eńbekti qorǵaý salasyndaǵy normatıvterge sáıkestigin aıqyndaý maqsatynda baǵalaý jónindegi qyzmet;
8) mindetti kásiptik zeınetaqy jarnalary – mindetti kásiptik zeınetaqy jarnalarynyń salymshylary eńbek jaǵdaılary zııandy (erekshe zııandy) jumystarmen aınalysatyn qyzmetkerlerdiń paıdasyna biryńǵaı jınaqtaýshy zeınetaqy qoryna salatyn aqsha;
9) mindetti kásiptik zeınetaqy jarnalarynyń salymshysy (budan ári –salymshy) – qyzmetkerdiń paıdasyna óziniń menshikti qarajaty esebinen mindetti kásiptik zeınetaqy jarnalaryn júzege asyratyn jumys berýshi.
2. Mindetti kásiptik zeınetaqy
jarnalaryn júzege asyrý tártibi
3. Salymshylar mindetti kásiptik zeınetaqy jarnalaryn menshikti qarajaty esebinen qyzmetkerlerdiń paıdasyna júzege asyrady.
4. Mindetti kásiptik zeınetaqy jarnalarynyń mólsherlemesi «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasy Zańynyń 26-babyna sáıkes belgilenedi.
5. Mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna júzege asyrý mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimine sáıkes júrgiziledi.
6. Shart Qazaqstan Respýblıkasy Úkimetiniń 2013 jylǵy 18 qyrkúıektegi № 984 qaýlysymen bekitilgen Biryńǵaı jınaqtaýshy zeınetaqy qorynyń zeınetaqy qaǵıdalaryna sáıkes biryńǵaı jınaqtaýshy zeınetaqy qory, salymshy jáne qyzmetker arasynda jasalady.
7. Salymshylar qyzmetkerdiń bir aıda eseptelgen tabysynyń somasy negizinde mindetti kásiptik zeınetaqy jarnalaryn esepteý úshin alynatyn tabystardan mindetti kásiptik zeınetaqy jarnalaryn aı saıyn júzege asyrady.
8. Mindetti kásiptik zeınetaqy jarnalaryn júzege asyrǵan kezde qyzmetkerdiń «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksinde (budan ári – Salyq kodeksi) kózdelgen barlyq aı saıynǵy tabystary eskeriledi.
9. Mindetti kásiptik zeınetaqy jarnalaryn júzege asyrǵan kezde:
1) Salyq kodeksiniń 155-babynyń 3-tarmaǵynda;
2) Salyq kodeksiniń 156-baby 1-tarmaǵynyń 12), 13), 26-1) tarmaqshalarynda belgilengenderdi qospaǵanda, Salyq kodeksiniń 156-babynyń 1-tarmaǵynda;
3) Salyq kodeksiniń 357-baby 2-tarmaǵynyń 4), 5) tarmaqshalarynda kórsetilgen tólemderdiń túrleri eskerilmeıdi.
Mindetti kásiptik zeınetaqy jarnalaryn tóleýge shyǵystar salymshynyń eńbekaqy tóleý qoryna jatady.
10. Mindetti kásiptik zeınetaqy jarnalaryn, onyń ishinde bereshekti aýdarý ekonomıka sektorlarynyń kodtaryn qoldaný jáne tólemderdi taǵaıyndaý tártibine sáıkes aıqyndalatyn tólemderdi taǵaıyndaý kodtary kórsetile otyryp, Ortalyqtyń bank shotyna júrgiziledi.
11. Salymshy mindetti kásiptik zeınetaqy jarnalaryn júzege asyrǵan kezde úsh danada qaǵaz jetkizgishtegi tólem tapsyrmasyn jáne eki danada jeke tulǵalardyń tizimin bankke, bank operasııalarynyń jekelegen túrlerin júzege asyratyn uıymdarǵa usynady.
12. Jeke tulǵalardyń tizimi árbir jeke tulǵa boıynsha: jeke sáıkestendirý nómirin, tegin, atyn, ákesiniń atyn (bolǵan kezde), týǵan kúnin, jarna somasyn jáne ol úshin mindetti zeınetaqy jarnalary aýdarylatyn kezeńdi (aıdy, jyldy) qamtýǵa tıis.
13. Bankter jáne bank operasııalarynyń jekelegen túrlerin júzege asyratyn uıymdar Ortalyqqa aqsha aýdarýdy Qazaqstan Respýblıkasynyń tólem júıelerinde qoldanylatyn formattarǵa sáıkes jeke tulǵalardyń tizimderimen birge elektrondyq tólem tapsyrmalarymen júrgizedi.
14. Salymshylar tóleıtin mindetti kásiptik zeınetaqy jarnalarynyń somalary Qazaqstan Respýblıkasynyń salyq zańnamasyna sáıkes shegerýge jatady.
15. Mindetti kásiptik zeınetaqy jarnalaryn biryńǵaı jınaqtaýshy zeınetaqy qoryna aýdarý, ustap qalý (esebine jazý) jáne aýdarý, mindetti kásiptik zeınetaqy jarnalaryn aýdarý kezinde qateler anyqtalǵan jaǵdaıda, salymshylardyń (alýshylardyń) is-qımyldary, sondaı-aq mindetti kásiptik zeınetaqy jarnalaryn ýaqtyly aýdarmaǵan kezdegi ósimpuldy tóleý jáne bereshekti óndirý Qazaqstan Respýblıkasy Úkimetiniń 2013 jylǵy 18 qazandaǵy № 1116 qaýlysymen bekitilgen Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne aýdarý qaǵıdalary men merzimderine sáıkes júzege asyrylady.
16. Salymshylar kásipteri Qazaqstan Respýblıkasy Úkimetiniń 2013 jylǵy 31 jeltoqsandaǵy №1562 qaýlysymen bekitilgen tizbede (budan ári – Tizbe) kózdelgen eńbek jaǵdaılary zııandy (erekshe zııandy) jumystarmen aınalysatyn qyzmetkerlerge mindetti kásiptik zeınetaqy jarnalaryn júzege asyrady.
17. Mindetti kásiptik zeınetaqy jarnalary Tizbede kózdelgen eńbek jaǵdaılary zııandy (erekshe zııandy) jumystarda ýaqytsha jumys isteıtin uıymdardyń óndiristik, kómekshi jáne qosalqy sehtarynyń qyzmetkerlerine de tólenedi.
18. Kásipteri men laýazymdary Tizbeniń «Jalpy kásipter» bóliminde kózdelgen qyzmetkerlerge, eger bul kásipter Tizbeniń tıisti bólimderinde nemese kishi bólimderinde arnaıy kózdelmese, mindetti kásiptik zeınetaqy jarnalary olardyń qandaı óndiristerde nemese sehtarda jumys isteıtinine qaramastan júzege asyrylady.
19. О́ndiristik obektilerdi eńbek jaǵdaılary boıynsha attestattaý jáne mindetti merzimdik medısınalyq tekserip-qaraý nátıjeleri boıynsha aıyna jumys ýaqytynyń keminde 80% zııandy (erekshe zııandy) eńbek jaǵdaılarynda jumys isteıtin qyzmetkerlerdiń kásipteri anyqtalǵan jaǵdaıda, jumys berýshiler, qyzmetkerlerdiń ókilderi, múddeli memlekettik organdar eńbek jónindegi ýákiletti organǵa olardy Tizbege engizý boıynsha negizdelgen usynystar engizedi.
20. О́ndiristik obektilerdi attestattaý nátıjelerimen rastalǵan zııandy (erekshe zııandy) eńbek jaǵdaılary joıylǵan kezde, mindetti kásiptik zeınetaqy jarnalarynyń salymshylary mindetti kásiptik zeınetaqy jarnalaryn tóleýdi júzege asyrmaıdy.