Kezdesýde Álemdik jáne dástúrli dinder kóshbasshylarynyń VII seziniń kún tártibine jáne Qazaqstan men BUU О́rkenıetter alıansy arasyndaǵy yntymaqtastyqty odan ári damytýǵa qatysty máseleler talqylandy, dep habarlaıdy Egemen.kz Aqordanyń resmı saıtyna silteme jasap.
Memleket basshysy Mıgel Anhel Moratınosqa Qazaqstanǵa kelgenine jáne forýmdy ótkizýge dáıekti túrde qoldaý kórsetkenine alǵys aıtty. Sondaı-aq Alıanstyń beıbitshilik, tózimdilik mádenıetin ilgeriletýge men adamdardy biriktirýge baǵyttalǵan kúsh-jigerin joǵary baǵalady.
BUU Bas hatshysynyń Joǵary ókili Álemdik jáne dástúrli dinder kóshbasshylarynyń VII seziniń joǵary deńgeıde uıymdastyrylǵanyn atap ótip, jıyn nátıjeleri beıbitshilikti, kelisimdi jáne dinaralyq dıalogty nyǵaıtýǵa yqpal etetinine senim bildirdi.