2014 jylǵy 26 naýryz, Astana, Úkimet Úıi
Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa beriletin aǵymdaǵy nysanaly transfertterdi paıdalaný qaǵıdalaryn bekitý týraly
«2014-2016 jyldarǵa arnalǵan respýblıkalyq bıýdjet týraly» 2013 jylǵy 3 jeltoqsandaǵy Qazaqstan Respýblıkasy Zańynyń 14-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa beriletin aǵymdaǵy nysanaly transfertterdi paıdalaný qaǵıdalary bekitilsin.
2. Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń ákimderi:
1) bólingen aǵymdaǵy nysanaly transfertterdiń ýaqtyly jáne maqsatty paıdalanylýyn;
2) Qazaqstan Respýblıkasy Bilim jáne ǵylym mınıstrligine esepti aıdan keıingi aıdyń 5-kúnine deıin bólingen aǵymdaǵy nysanaly transfertterdiń paıdalanylýy týraly esepter berýdi qamtamasyz etsin.
3. Qazaqstan Respýblıkasy Bilim jáne ǵylym mınıstrligi Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystary bıýdjetteriniń respýblıkalyq bıýdjetten beriletin aǵymdaǵy nysanaly transfertterdi paıdalaný monıtorıngin qamtamasyz etsin.
4. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2014 jylǵy 26 naýryzdaǵy №260 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa beriletin aǵymdaǵy nysanaly transfertterdi paıdalaný qaǵıdalary
1. Osy Oblystyq bıýdjetterdiń, Astana jáne Almaty qalalary bıýdjetteriniń 2014 jylǵa arnalǵan respýblıkalyq bıýdjetten bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa beriletin aǵymdaǵy nysanaly transfertterdi paıdalaný qaǵıdalary (býdan ári – Qaǵıdalar) 089 «Oblystyq bıýdjetterge, Astana jáne Almaty qalalarynyń bıýdjetterine bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa beriletin aǵymdaǵy nysanaly transfertter» respýblıkalyq bıýdjettik baǵdarlamasy boıynsha oblystyq bıýdjetterge, Astana jáne Almaty qalalarynyń bıýdjetterine respýblıkalyq bıýdjetten bólinetin aǵymdaǵy nysanaly transfertterdi (býdan ári – nysanaly transfertter) paıdalaný tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) bilim berý prosesi – bilim berý qyzmetin júzege asyratyn uıym iske asyratyn bilim berý baǵdarlamalaryn iske asyrý sheńberinde pedagogıkalyq turǵyda negizdelgen oqytý, tárbıeleý jáne damytý prosesi;
2) bilim berý prosesin qarjylandyrý kólemine kiretin yntalandyrý bóligi – bastaýysh, negizgi orta jáne jalpy orta bilim berý uıymdarynyń qyzmetkerlerine syılyqaqylar tóleýge jáne olardyń eńbekaqysyn qyzmet nátıjelerine qaraı saralaý maqsatynda yntalandyrý ústemeaqylaryn belgileýge, sondaı-aq bastaýysh, negizgi orta jáne jalpy orta bilim berý uıymdarynyń bilim berý prosesine baılanysty basqa da qajettilikterdi óteýge kózdelgen respýblıkalyq bıýdjet qarajaty.
3. Oblystyq bıýdjetterge, Astana jáne Almaty qalalarynyń bıýdjetterine bastaýysh, negizgi orta jáne jalpy orta bilimdi jan basyna shaqqandaǵy qarjylandyrýdy synamalaýǵa bólingen aǵymdaǵy nysanaly transfertterdi paıdalaný Qazaqstan Respýblıkasynyń bıýdjet zańnamasynda belgilengen tártippen, osy Qaǵıdalardyń erekshelikteri eskerile otyryp júzege asyrylady.
4. Nysanaly transfertter:
1) jumys berýshiniń jarnalarǵa eskere otyryp, jan basyna shaqqandaǵy qarjylandyrylatyn bastaýysh, negizgi orta jáne jalpy orta bilim berý uıymdarynyń qyzmetkerlerine jalaqy tóleýge;
2) bir bilim alýshyǵa shaqqandaǵy aǵymdaǵy qarjy jylyna bir aılyq eseptik kórsetkish esebinen oqý shyǵystaryn tóleýge;
3) jalaqy men oqý shyǵystaryn tóleýge arnalǵan shyǵystardan on paıyz mólsherinde bilim berý prosesin qarjylandyrý kólemine kiretin yntalandyrý bóligin tóleýge paıdalanylady.
5. Qazaqstan Respýblıkasy Bilim jáne ǵylym mınıstrligi:
1) Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń ákimderimen aǵymdaǵy nysanaly transfertter boıynsha nátıjeler týraly kelisimder (budan ári – kelisim) jasasady;
2) bıýdjet zańnamasynda belgilengen tártippen tólemder boıynsha qarjylandyrý josparlaryna jáne kelisimderge sáıkes respýblıkalyq bıýdjetten Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń bıýdjetterine aǵymdaǵy nysanaly transfertterdi aýdarýdy júrgizedi.
6. Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń jergilikti atqarýshy organdary jeke qarjylandyrý josparlaryna sáıkes jáne jasalǵan kelisimniń negizinde respýblıkalyq bıýdjetten beriletin aǵymdaǵy nysanaly transfertterdiń somalaryn nysanaly maqsaty boıynsha paıdalanady.
7. Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń jergilikti atqarýshy organdary Qazaqstan Respýblıkasy Bilim jáne ǵylym mınıstrligine kelisimderge sáıkes bólingen nysanaly transfertterdi paıdalaný esebinen qol jetkizilgen tikeleı jáne túpkilikti nátıjeler týraly esep beredi.
8. Qazaqstan Respýblıkasy Bilim jáne ǵylym mınıstrligi Qazaqstan Respýblıkasy Qarjy mınıstrligine nysanaly transfertterdi paıdalaný monıtorınginiń nátıjeleri týraly esep beredi.