Álemdik jáne dástúrli dinder lıderleri Sezi aıasynda QR Premer-Mınıstriniń orynbasary-Syrtqy ister mınıstri Muhtar Tileýberdi Ázerbaıjan-Armenııa shekarasyndaǵy jaǵdaıǵa qatysty pikir bildirdi, dep habarlaıdy Egemen.kz.
«Keshe Ujymdyq qaýipsizdik týraly shart uıymynyń kezekten tys keńesinde Armenııa Premer-Mınıstri UQShU-ǵa múshe elderdiń basshylaryna Ázerbaıjan men Armenııa shekarasyndaǵy jaǵdaı týraly málimet berdi. Jalpy aqparat qabyldandy, árıne, biz obektıvti aqparat alǵymyz keledi. О́ıtkeni eki taraptan árkelki aqparat túsip jatyr. Sondyqtan memleket basshylary UQShU bas hatshysy oqıǵa ornyna baryp, tolyqqandy málimet alyp, sol málimetti memleket basshylaryna baıandaýy kerek degen sheshim qabyldandy», dedi Muhtar Tileýberdi Álemdik jáne dástúrli dinder lıderleriniń VII Seziniń jalpy otyrysy barysynda.
Sondaı-aq ol eki el arasyndaǵy shekaranyń buzylǵany týraly qandaı da bir pikir aıtý qıyn ekenin jetkizdi.
«Qazirgi birinshi mindet - Ázerbaıjan-Armenııa shekarasyn delımıtasııalaý jáne demarksııalaý jónindegi komıssııanyń jumysyn jandandyrý. Biz óz tájirıbemizben bólisýge ázirmiz. О́ıtkeni biz qurlyqta jáne tipti teńizde de óz shekaramyzdy demarkasııalap alǵanbyz. Reseıden basqa búkil kórshiles memlekettermen shekaramyzdy demarkasııalaý isi tolyq aıaqtalǵan», dedi Syrtqy ister mınıstri.
Sondaı-aq Muhtar Tileýberdi Reseı Federasııasynyń prezıdenti Vladımır Pýtın Qazaqstanǵa qashan keletinin aıtty.
«Reseı prezıdenti Qazaqstanǵa Azııadaǵy ózara is-qımyl jáne senim sharalary jónindegi keńeske qatysý úshin keledi. Sondaı-aq TMD memleketteri basshylarynyń keńesin ótkizý josparlanýda. Reseı prezıdenti Qazaqstanǵa qazan aıynyń ortasynda kelýi múmkin. Qazir resmı rastaýdy kútip otyrmyz», dedi Muhtar Tileýberdi.
Premer-Mınıstrdiń orynbasary óz sózinde Qazaqstan qaıtalama sanksııalarǵa ushyramaıtynyn atap ótti.
«Bizde Reseıge qarsy sanksııalardyń bizdiń ekonomıkamyzǵa teris áserin boldyrmaý, onyń ishinde qaıtalama sanksııalarǵa jol bermeý úshin úkimettik jumys toby quryldy. Búginde atalǵan jumys toby tabysty jumys isteýde, Eýropalyq komıssııamen jáne AQSh Ákimshiligimen turaqty konsýltasııalar júrgizilýde», dep qosty Syrtqy ister mınıstri.
Eske sala ketsek, Qazaqstan Prezıdenti Qasym-Jomart Toqaev 2022 jylǵy tamyzda Sochıge jumys sapary aıasynda Vladımır Pýtındi Qazaqstanda qazan aıynda ótetin TMD sammıtine qatysýǵa shaqyrǵan edi.