Bul týraly Dımash Qudaıbergenniń ákesi Qanat Aıtbaev memlekettik arnada bergen suhbatynda aıtty, dep habarlaıdy Egemen.kz.
«Gena telefon soǵyp, «eldiń atynan óner kórsetip jatyrmyn, sondyqtan Gımndi aıtyp berýińdi suraımyn» dep qolqa saldy. О́ziniń konserti taqalyp turǵanyna qaramastan, soǵan baryp kelmek. Alla tilegińdi bersin dep shyǵaryp saldym. Endi jigitterdiń jeńispen kelýin tileımiz», dedi Dımashtyń ákesi.
Sondaı-aq bul aqparat DimashNews Insagram paraqshasynda da jarııalandy.
«Elimizdiń birtýar sportshysy Genadıı Golovkınniń arnaıy shaqyrtýymen 17 Qyrkúıek kúni Las Vegas qalasynda ótetin GGG - Canelo 3 jekpe-jegi aldynda Dımash Qudaıbergen Memlekettik Gımndi oryndap, batyrymyzǵa qoldaý kórsetedi», delingen habarlamada.
Aıta keteıik, Golovkın-«Kanelo» jekpe-jegin «Qazaqstan» jáne «Qazsport» telearnalary tikeleı efırde kórsetedi.