Qazaqstan Respýblıkasy Prezıdenti Ákimshiliginiń jáne aýdandyq máslıxatynyń kelisimimen, Jambyl oblysy ákiminiń ókimimen Talas aýdanynyń ákimi bolyp Júnisbekov Nurbol Ábdimajıtuly taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Júnisbekov Nurbol Ábdimajıtuly, 1981 jyly týǵan. Bilimi joǵary. 2003 jyly M.H.Dýlatı atyndaǵy Taraz memlekettik ýnıversıtetin «munaı jáne gaz kenishterin ıgerý jáne paıdalaný», 2007 jyly A.Iаsaýı atyndaǵy Halyqaralyq qazaq-túrik ýnıversıtetin «qarjy», 2011 jyly Jambyl gýmanıtarlyq-tehnıkalyq ýnıversıtetin «dene shynyqtyrý jáne sport» mamandyqtary boıynsha bitirgen.
Eńbek jolyn 2003 jyly oblystyq mamandandyrylǵan olımpıada jetkinshekterin daıarlaıtyn balalar-jasóspirimder sport mektebiniń jattyqtyrýshysy bolyp bastaǵan.
Ár jyldary «Qazaqstan Respýblıkasy dzıý-do federasııasy» qoǵamdyq birlestiginiń Jambyl oblystyq fılıalynda jattyqtyrýshy, oblystyq mamandandyrylǵan sporttaǵy daryndy balalar mektep-ınternatynda tárbıeshiniń kómekshisi «Suńqar-2002» JShS-niń ınjeneri, «KMG-Jaıyq» JShS-niń mamany, «Qaztemirtrans» AQ Prezıdentiniń kómekshisi, «ChD cz» JShS dırektorynyń orynbasary, dırektory, «Korporasııa Senim» JShS-niń sheberi, 2011-2014 jyldary №4 velosıped jáne sý sporty túrlerinen oblystyq olımpıada jetkinshekterin daıarlaıtyn mamandandyrylǵan balalar-jasóspirimder sport mektebi dırektorynyń orynbasary, «Joǵarǵy sport sheberligi mektebi» kommýnaldyq memlekettik qazynalyq kásiporny dırektorynyń mindetin atqarýshy, №7 oblystyq kúres túrlerinen olımpıada jetkinshekterin daıarlaıtyn mamandandyrylǵan balalar-jasóspirimder sport mektebiniń dırektory, «Qazaq kúresi klýby» kommýnaldyq memlekettik qazynalyq kásipornynyń dırektory, «Jekpe-jek kásipqoı sport klýby» kommýnaldyq memlekettik mekemesiniń dırektory qyzmetterin atqarǵan.
2017 jylǵy qyrkúıekten bastap Jambyl oblysy ákimdiginiń dene shynyqtyrý jáne sport basqarmasynyń basshysy laýazymynda eńbek etip keldi.