Atyraýdan kelgen bes jasar búldirshin eki jaqty mıkrotııamen jáne qulaq kanalynyń atrezııasymen týǵan. Úsh jasynda ata-anasy oǵan arnaıy apparat satyp alǵan. Ony bandaj arqyly sábı shaǵynan kıip keledi. Sondyqtan bala operasııa jasaýǵa bolatyn jasqa jetkenge deıin boıyndaǵy damýynda qıyndyq bolmady. Qazir ol ýaqytsha apparatsyz-aq júre alady, óıtkeni elordalyq dárigerler balaǵa MÁMS aıasynda ota jasady, dep habarlaıdy Egemen.kz qala ákimdiginiń saıtyna silteme jasap.
Súıek ótkizgishtik apparatyn ımplantasııalaý operasııalary Qazaqstanda osy jyly medısınalyq saqtandyrý aıasynda júrgizile bastady.
Buǵan deıin №2 Kópbeıindi qalalyq balalar aýrýhanasynyń lorhırýrgteri de mundaı operasııalar júrgizgen, biraq stasıonarǵa ımplanttar gýmanıtarlyq kómek aıasynda túsken. Operasııa ınnovasııalyq emdeý ádisterine jatady jáne joǵary tehnologııalyq medısınalyq qyzmet bolyp sanalady.
«Mundaı operasııaǵa túsetin balalar sanatynyń biri – mıkrotııa jáne atrezııasy bar naýqastar. Bul eki túrli dıagnoz, biraq olar ylǵı da birge júredi. Mıkrotııa – bul júreksheniń bolmaýy nemese damymaýy. Atrezııada qulaq arnasy kúrt tarylǵan nemese múldem joq – bul týa bitken aqaý. Bul osyndaı dıagnozy bar balalardyń analary úshin qıyn jaǵdaı», dep atap ótti №2 Kópbeıindi qalalyq balalar aýrýhanasynyń lor bólimshesiniń meńgerýshisi Arman Ábilev.
«Endi MÁMS aıasynda biz osyndaı operasııalardy turaqty túrde jasaımyz. Bul operasııa shamamen 4 jastan asqan kezde jasalady. Operasııanyń mańyzy – dybys balanyń bas súıegine ımplanttyń arqasynda súıekter arqyly beriledi. Diril paıda bolady, ol ishki qulaqqa ótedi jáne bala estıtin bolady», dep qosty Lor hırýrgy.
Aıta ketsek, balaǵa buryn Qazaqstannyń jeke klınıkalarynyń birinde úndistandyq dáriger operasııa jasaǵan. Operasııa barysynda estý arnasyn tabıǵı jol arqyly ashýǵa tyrysqan. Biraq mundaı jaǵdaıda bári sátti bola bermeıdi. Álemdik tájirıbede mundaı operasııalardan bas tartylyp jatyr.
Qazir naýqas operasııadan keıingi qoldaý terapııasyn alady. Jaqynda bala shyǵarylyp, atyraýlyq otolarıngologtardyń baqylaýy úshin úıine jiberiledi. Shamamen bir aıdan keıin ımplantqa sóıleý prosessory qosylady. Ony ár bes jyl saıyn ózgertý kerek, biraq ımplanttyń ózi qaıta ornatýdy qajet etpeıdi.