15-19 qyrkúıek aralyǵynda Qalaisyn sosıologııalyq zertteýlerdiń onlaın platformasy qazaqstandyqtardyń elimizde júrgizilip jatqan saıası reformalarǵa kózqarasyn anyqtaý maqsatynda ekspress-saýalnama júrgizdi, dep habarlaıdy Egemen.kz.
Zertteýdiń negizgi maqsaty – Prezıdent Qasym-Jomart Toqaevtyń qyrkúıektegi Joldaýynda aıtylǵan bastamalaryna qazaqstandyqtardyń kózqarasyn anyqtaý. Qarashada kezekten tys Prezıdenttik saılaý ótkiziletini belgili. Osy oraıda respondentter saılaýǵa qatysty pikirlerin bildirdi.
Saýalnamaǵa qatysqandardyń 77,68 paıyzy bul usynysty qoldasa, 8,77 paıyzy qarsy pikir bildirdi. Taǵy 13,55 paıyzy óz tańdaýyn jasamaǵan.
Konstıtýsııaǵa ózgerister men tolyqtyrýlar engizý jónindegi referendýmnan keıin elimizde qandaı ózgerister boldy degen suraqqa respondentterdiń basym kópshiligi (71,83%) qoǵamdaǵy oń ózgeristerdi sezinetinin atap ótti. Zertteýge qatysýshylardyń 4,34 paıyzy jaǵdaıdyń nasharlaǵanyn aıtty. Qazaqstandyqtardyń tórtten bir bóliginen azy (23,83%) eshqandaı ózgeris bolǵan joq dep esepteıdi.
Saýalnamaǵa elimizdiń 20 óńirindegi 18 jáne odan joǵary jastaǵy 1200 qazaqstandyq qatysty. Zertteý jumysy el turǵyndarynyń áleýmettik-demografııalyq erekshelikterin eskere otyryp qurastyryldy.