Jyl basynan beri Qazaqstan Ulttyq elektrondy kitaphanasyn paıdalanýshylar sany 227 446 oqyrmanǵa jetti. Avtorlardyń ruqsatymen júktelgen qujattar sany 329 485 bolsa, jalpy materıaldar 1 408 540 ret qaralǵan.
Ulttyq elektrondy kitaphanany álemniń ártúrli elderindegi paıdalanýshylar da qoldanady. Olardyń qatarynda Qytaı, Reseı, AQSh, Vetnam, О́zbekstan, Túrkııa, Nıderland, Fransııa, Qyrǵyzstan memleketterinen tirkelgen oqyrman bar.
Kitaphana qorynda 64 tildegi 84 664 qujat saqtalǵan. Onyń ishinde túrli baǵyttaǵy kitaptar, ǵylymı maqalalar, gazet-jýrnaldar, dıssertasııalar, notalar, aýdıo-beıne materıaldar men arhıvtik qujattar bar.
Qazaqstan Ulttyq elektrondy kitaphanasy – qazaqstandyq mazmundaǵy keń kólemdi aqparat usynatyn tuńǵysh memlekettik kitaphana portaly. Portaldyń ereksheligi – kórý qabileti buzylǵan jandarǵa beıimdelip jasalýynda bolyp otyr. Sondaı-aq kez kelgen paıdalanýshy portalǵa tirkelmeı-aq tolyq mátindi qujattarmen tanysa alady.