Sınoptıktardyń málimetinshe, elimizdiń basym bóliginde jaýyn-shashynsyz aýa raıy saqtalady, dep habarlaıdy Egemen.kz.
«Atmosferalyq frontaldy bólikterdiń ótýimen respýblıkanyń batysynda, ońtústik-shyǵysynda jańbyr jaýyp, naızaǵaı oınaıdy. Respýblıkada jel kúsheıedi, ońtústikte jáne ońtústik-batysta shańdy daýyl soǵady dep kútilýde», delingen «Qazgıdromet» RMK habarlamasynda.
Qyzylorda, Túrkistan, Jambyl oblystarynyń basym bóliginde, Aqtóbe oblysynyń ońtústiginde, shyǵysynda, Abaı aýdanynyń soltústik-batysynda, soltústiginde, shyǵysynda, Pavlodar oblysynyń ortalyǵynda, Qaraǵandy oblysynyń shyǵys jartysynda, Ulytaý oblysynyń ońtústiginde, shyǵysynda tótenshe órt qaýpi saqtalady.
Qostanaı, Almaty oblystarynyń basym bóliginde joǵary órt qaýpi saqtalady.