Joǵary oqý oryndarynda Qazaqstan Respýblıkasy Prezıdentiniń kezekten tys saılaýyn ótkizýge baılanysty qazaqstandyq stýdentterdi is-sharalarǵa tartýǵa tyıym salynady, dep habarlaıdy Egemen.kz.
«Biz jańa jáne ádil Qazaqstandy qurýdamyz. Prezıdent mundaı áreketterdi qatań baqylaıdy jáne tyıym salady. Mınıstrlik uıymdastyratyn arnaıy sharalar bolmaıdy», dedi Ǵylym jáne joǵary bilim mınıstri Saıasat Nurbek.
Ol endi mınıstrlikte stýdentterdiń quqyǵyn qorǵaıtyn arnaıy ombýdsmen jumys isteıtinin basa aıtty.
«Aısulý Ernııazova elimizdiń belsendi azamaty, ony kóptegen stýdentter tanıdy. Resmı túrde mınıstrlikte shtat kestesi bekitilgen joq, kelesi aıdyń basynda bekitýdi josparlap otyrmyz. Ýnıversıtet stýdentteri mınıstr janyndaǵy arnaıy komıssarǵa ótinish bere alady», dep qosty S.Nurbek.