Qazaqstandyq jas sportshylardyń qatysýymen Tbılısıde ústel tennısinen WTT Youth Contender halyqaralyq týrnıri ótti, dep habarlaıdy Egemen.kz.
Sarvınoz Mırkadırova 19 jasqa deıingiler arasynda ótken saıysta qola júldeger atandy. Jarys barysynda Sarvınoz Mırkadırova Grýzııa eliniń sportshylary Nını Lıpartııany - 3:0 esebimen, Tako Rıjvadjeni - 3:1 upaıymen, al Armenııa eliniń sportshysy Mane Kazarıandy - 3:0 esebimen utty.
Fınalda óner kórsetý úshin Sarvınoz Gonkong sportshysy Kong Sz Lammen saıysqa shyǵyp, 1:3 esebimen utyldy.
Túrkistan oblysynyń sportshysy Sarvınoz Mırkadırovanyń bul jeńisi qazaqstandyqtardyń qorjynyndaǵy ekinshi júlde. 22 qyrkúıek kúni dál osy Tbılısıde ótken ústel tennısinde on bir jastaǵy Marlen Jumaǵul kúmis júldeger atanǵan edi.
Gúlim Sadyrbek