Parlament Senaty Tóraǵasynyń orynbasary Asqar Shákirov BUU Bosqyndar isteri jónindegi Joǵarǵy Komıssary Basqarmasynyń О́kili Hans Shoddermen kezdesti, dep habarlaıdy Egemen.kz.
Taraptar kelissóz barysynda Qazaqstan men BJKB arasyndaǵy bosqyndardyń, pana izdeýshilerdiń quqyqtaryn qorǵaý jáne azamattyǵy joqtyqty odan ári boldyrmaý jónindegi yntymaqtastyqtyń aǵymdaǵy máselelerin jáne keleshektegi ózara is-qımyl baǵyttaryn talqylady.
«Qazaqstanda azamattyǵy joq adamdar sanyn azaıtý, bosqyndardy qorǵaý jáne gýmanıtarlyq kómek kórsetý jóninde jumystar júıeli túrde júrgizilip keledi. Bizdiń elimiz Bosqyndar máseleleri jónindegi jahandyq forým aıasynda qabyldaǵan mindettemelerdi dáıekti túrde oryndap keledi, ol BJKB basshylyǵy tarapynan basqa elderge oń úlgi retinde atap ótildi», dep atap ótti senator A.Shákirov.
Hans Shodder yntymaqtastyqtyń aǵymdaǵy deńgeıin joǵary baǵalady jáne BUU BJKB Qazaqstan Respýblıkasyna járdemdesýdi jalǵastyra berýge daıyn ekenin bildirdi. Ol azamattyǵy joq adamdardyń sanyn qysqartý jónindegi elimizdiń jetistikterin atap ótip, Qazaqstan is júzinde osy saladaǵy halyqaralyq-quqyqtyq erejeler talaptarynyń 90%-yn iske asyryp kele jatqanyn jetkizdi.
Kezdesý qorytyndysy boıynsha Qazaqstan men BUU BJKB bosqyndardyń quqyqtaryn qorǵaý salasyndaǵy yntymaqtastyqty odan ári nyǵaıtý týraly ýaǵdalastyqqa qol jetkizdi.
Kezdesýge Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov ta qatysty.