Premer-Mınıstrdiń orynbasary – saýda jáne ıntegrasııa mınıstri Serik Jumanǵarın Irannyń syrtqy ister mınıstriniń orynbasary Mahdı Safarımen eki eldiń memleket basshylary qol jetkizgen ýaǵdalastyqtardy iske asyrý aıasynda ekijaqty saýda-ekonomıkalyq yntymaqtastyqty damytý múmkindikterin talqylady, dep habarlaıdy Egemen.kz Úkimettiń baspasóz qyzmetine silteme jasap.
Kelissózder barysynda Qazaqstan men Iran arasyndaǵy taýar aınalymynyń kólemin $3 mlrd-qa deıin, onyń ishinde agroónerkásip kesheni salasynda $1 mlrd-qa deıin ulǵaıtý múmkindigine basa nazar aýdaryldy. Kelissóz nátıjesinde jaqyn arada Irannyń aýyl sharýashylyǵy mınıstriniń birinshi orynbasary bastaǵan karantın jáne veterınarııalyq sertıfıkattar salasyndaǵy ırandyq sarapshylar is-qımyldyń egjeı-tegjeıli josparyn ázirleý úshin Qazaqstanǵa keletini týraly ýaǵdalastyqqa qol jetkizildi.