Koreı balalarynyń kıimi

Mazmundy is-shara atal­ǵan kitaphananyń «Mádenıet arqyly únqatysý» halyq­aralyq jobasy aıasynda Ko­reıa Respýb­lı­­­ka­sy­nyń Qa­zaq­standaǵy el­shi­­li­giniń Koreı mádenı or­ta­ly­ǵy jáne Dankýk ýnıver­-

sıteti janyndaǵy Sok Djý­son atyndaǵy me­mo­rıal­dyq mýzeıi, sondaı-aq Ko­reıa Res­pýblıkasynyń má­de­nıet, sport jáne týrızm mı­nıs­tr­ligi men Koreı ha­lyq­aralyq mádenı almasý qory birlesip uıymdastyrdy.

Kórmeniń ashylýynda Tuń­­ǵysh Pre­zıdent ki­tap­­­­­hanasynyń dırektory Baqyt­jan Temirbolat bı­yl Qazaqstan men Koreıa mem­­leketi arasyndaǵy dıp­lo­matııalyq qarym-qaty­nas­tyń ornaǵanyna otyz jyl tolǵanyn aıta ke­lip: «Koreıa respýblıkasy – eli­miz­diń saýda-ekonomıkalyq qana emes, mádenı jáne rýhanı baı­­­lanysy damyǵan syrtqy saıası seriktesimizdiń biri. Eki halyqtyń dostyǵy ót­ken ǵa­syrdyń 30-40 jyl­da­ryndaǵy asharshylyq, jer aýdarý jáne saıası qýǵyn-súrgin sekildi qıyn-qystaý kezeńnen bastaý alyp, sol kúnderi bir-birine qol ushyn sozdy. Bıyl elimizde Balalar jyly jarııalandy, sony da eskere otyryp, osy kórmeni ótkizip otyrmyz», dep atap ótti.

Odan keıin sóz al­ǵan eli­mizdegi Koreıa Res­pýb­lı­ka­sy­­nyń Tótenshe jáne О́ki­letti el­shisi Ký Hong-sok eki mem­le­kettiń 30 jyl­da qa­lyp­­­tasqan dostyǵy men aldaǵy 30 jyldaǵy ty­ǵyz yn­tymaqtastyǵyn ny­ǵaı­tý maqsatynda bıyl Qa­zaqstan men Koreıa arasynda «Má­denı al­­masý jyly» ja­rııa­lan­ǵan­dyǵyn jetkizdi.

«Búgingi kórmeni Dúnıe­júzilik balalardy qorǵaý kúniniń 100 jyldyǵy men Qa­zaqstanda Balalar jyly aıasynda uıymdastyryp, qa­zaq­standyqtarǵa koreıdiń dástúrli balalar kıimderin usynyp otyrmyz.

Balalar – ár otbasynyń qýanyshy men úmiti ǵana emes bolashaǵymyz. Usy­nyl­ǵan ekspozısııalar koreı máde­nıeti men dástúriniń su­lý­lyǵyn sezindiredi dep sene­min», dedi elshi.

Kórmege Koreı dástúrli balalar kıim­deriniń arte­faktileri men repro­dýksııa­lary jáne XVIII-XIX ǵasyr­larda ata-analar óz balalaryna arnap tikken kıimderi men jasaǵan qural-jabdyqtary qoıyldy. Osy jádigerler koreı ata-analarynyń óz balalaryna degen mahabbaty men qamqorlyǵyn, úmiti men senimin aıshyqty kórsete aldy. Sondaı-aq is-shara aıasynda «kymgvan» jáne «hvagvan» atty koreı dástúrli bas kıimderin daıyndaý qupııasyn bilgisi kelgenderge sheberlik sabaǵy uıymdas­tyryldy.