Prezıdenttiń aıtýynsha, qazirgi halyqaralyq ahýaldy sıpattaýda «týrbýlenttilik» uǵymy jıi qoldanylady. Ádette bul sóz ushaq týrbýlentti aımaqqa kirgen kezde jolaýshylardy sabyrǵa shaqyratyn ushqyshtardyń túsindirmesinde kezdesetin. Alaıda búginde saıasatkerler men sarapshylar dál osy termındi jahandyq jaǵdaıdy beıneleý úshin paıdalanyp júr, dep jazady Egemen.kz.
Memleket basshysy qazirgi kezeńde álemniń turaqsyz ári baǵyt-baǵdary anyq emes jaǵdaıda ómir súrip jatqanyn atap ótti. Onyń aıtýynsha, sońǵy on jyl ishinde oryn alǵan oqıǵalar birinen biri asyp túsip, halyqaralyq ahýaldy kúrdelendirdi. Bul úderister áleýmettik jelilerde qyzý talqylanyp, onda shynaıy aqparat pen ańyz, konspırologııalyq boljamdar men jalǵan málimetter, qaıǵy men qýanysh qatar taralyp jatyr. Prezıdent muny jasandy ıntellekt dáýirine aıaq basqan qazirgi álemniń shynaıy kelbeti dep sıpattady.
Halyqtyń senimin aqtaýdan artyq abyroı joq: Memleket basshysy máslıhat depýtattaryna ne dedi?
«О́tken eki apta álemdik qoǵamdastyqqa dúrbeleńniń shyn máninde qanshalyqty qaýipti ekenin ári tutqıyldan keletinin anyq kórsetti. Planetamyzdyń tirshiliginde turaqsyzdyq beleń aldy. Tipti, ekonomıkasy ilgeri, ornyqty memleketterdiń ózi áp-sátte jahandyq qaqtyǵystyń, eger ár nárseni óz atymen aıtar bolsaq, soǵystyń ortasynda qaldy. Soǵys órti irgemizden, ıaǵnı Kaspıı mańyndaǵy kórshiles eldiń aýmaǵynan shyqty.Taıaý Shyǵystaǵy ahýaldyń ýshyǵýy qazirdiń ózinde jahandyq qaýipsizdiktiń irgesin shaıqap, álem ekonomıkasyna zardabyn tıgizgeni anyq», dedi Prezıdent.
Memleket basshysy sonymen qatar qazirgi kúrdeli jaǵdaıǵa alyp kelgen birqatar faktordy atady. Onyń aıtýynsha, iri derjavalardyń kóshbasshylary arasyndaǵy senim daǵdarysynyń kúsheıýi, memleketter men áskerı-saıası bloktardyń jiktelýi, yntymaq pen birlik qaǵıdalarynyń álsireýi, halyqaralyq quqyq normalarynyń saqtalmaýy jáne Birikken Ulttar Uıymynyń bedeliniń buryn-sońdy bolmaǵan deńgeıde tómendeýi qazirgi álemdegi qaýipti jaǵdaıdyń negizgi sebepteriniń biri bolyp otyr.
Prezıdenttiń sózinshe, osydan on jyl buryn saıasatkerler álemniń jolaıryqta turǵanyn aıtyp, bolashaqtaǵy baǵyttyń belgisizdigine alańdaýshylyq bildirgen bolatyn. Al búginde kóptegen sarapshylar men saıasatkerler adamzat balasy dúnıejúzilik soǵystyń tabaldyryǵynda turǵanyn ashyq aıta bastady. Mundaı jaǵdaı barlyq memleketterdiń múddesine qaýip tóndiredi.
Toqaev: Máslıhattardyń ókilettigin odan ári keńeıtip, naqtylaı túsý qajet
Memleket basshysy geosaıası, áskerı, ekonomıkalyq, tehnologııalyq jáne klımattyq syn-qaterlerdiń kúsheıýi búkil álemdi alańdatyp otyrǵanyn aıtty.
«Osyndaı kúrdeli kezeńde Qazaqstan azamattary sabyr saqtap, el ishindegi jáne tysqary jerlerdegi arandatýlarǵa boı aldyrmaýy kerek. Eń bastysy, Jaratqan bergen batyldyq, ar-namys, aqyl-parasat sııaqty qasıetterimizdi tanytqan jón. Prezıdent retinde saıası-dıplomatııalyq tásilderdiń bárin qoldana otyryp, el qaýipsizdigin qamtamasyz etýge bar kúshimdi salamyn.
Álem tehnologııalyq, ekonomıkalyq, saıası turǵydan túbegeıli ózgergenin moıyndaýymyz kerek. Al ol jaqsy jaqqa ózgerdi me, álde keri ketti me? Oǵan órkenıet bolashaqta jaýap beredi. Biraq Qazaqstan azamattarynyń álemdik damý kóshinen shet qalýǵa qaqysy joq», dedi Memleket basshysy.
Prezıdenttiń aıtýynsha, Qazaqstan ulttyq múddelerin qorǵaýmen qatar strategııalyq ustamdylyq saıasatyn ustanady. Sondaı-aq eldiń syrtqy saıasaty halyqaralyq arenada beıbitshilikti nyǵaıtýǵa jáne Qazaqstan tóńiregindegi qaýipsizdikti qamtamasyz etýge baǵyttalǵan.
Prezıdent: Máslıhattar tolyq sıfrlyq memleket qurý máselesine belsendi atsalysýy qajet