Atyraýlyq áıeldiń úıinde salmaǵy 30 kılo tartatyn pıtondy ustaǵan. Alaıda, mundaı jylandy ustaý úshin CITES talaptaryna sáıkes ruqsat qujaty bolýy kerek, dep habarlaıdy Egemen.kz.
Atyraý qalasynyń ákimshilik quqyq buzýshylyqtar jónindegi mamandandyrylǵan sotynda D.-ǵa qatysty Ákimshilik quqyq buzýshylyq týraly kodesiniń 389-babynyń 1-bóligimen (Jabaıy janýarlar men ósimdikterdiń túrlerin, olardyń bólikterin nemese derıvattaryn zańsyz ıemdený, ótkizý, alyp ótý, ákelý, áketý, saqtaý (ustaý) is qaraldy.
«Azamatsha D. óziniń turǵylyqty úıinde salmaǵy 30 kılo, uzyndyǵy 3-3,5 metr pıton jylanyn qujatsyz ustaǵany anyqtaldy. Onyń kinási ákimshilik quqyq buzýshylyq týraly hattamamen, saýal qoıý hattamasymen, fotosýretpen tolyq dáleldendi», dep málim etti atalǵan sottan.
Sot qaýlysymen D. ákimshilik quqyq buzýshylyq jasaǵany úshin kináli dep tanyldy. Oǵan ákimshilik jaza retinde 10 aılyq eseptik kórsetkish mólsherinde aıyppul salyndy. Biraq, jasalǵan quqyq buzýshylyqtyń sıpaty, jeke basy eskerilip, aıyppul somasy 30%, ıaǵnı 30 275 teńgege qysqartyldy.
Atyraý oblysynyń úsh turǵyny Aqtóbede kıik ushasymen ustaldy
Pıton jylany memleket kirisine tárkilendi.
Sot qaýlysy zańdy kúshine engen joq.
Atyraýda tikeleı efırde qyzdy aıaýsyz urǵan jigit ustaldy