Tazalyq bastamasy

Bul oraıda qazan aıynan bastalǵan aksııa elimizdiń barlyq óńirinde iske asyp jatqanyn aıta ketken oryndy. Semeıde onyń ótýine Alikhan Bokeikhan University stýdentteri bas­ta­mashyldyq tanytqan.

«Ǵylym jáne joǵary bilim mı­nıstrligi janyndaǵy keńestiń uıym­dastyrýymen qazannyń 2-inen eli­mizdiń oqý oryndary arasynda Eco­Stu­dentKZ ekologııalyq aksııasy bas­tal­ǵan bolatyn.

Osy rette Semeı qalasyndaǵy Alikhan Bokeikhan University stý­dent­teriniń bastamasymen, sol se­kil­di shahardaǵy joǵary oqý oryndary stýdentteriniń qoldaýymen respýblıkalyq aksııaǵa óz úlesin qosý úshin jastar Beıbitshilik aralyna jınalyp, aýmaqty turmystyq qaldyq pen qoqystan tazartýdy uı­ǵardy.

Atalǵan is-sharaǵa qaladaǵy 5 oqý ornynyń stýdentteri qatysty. Tutastaı alǵanda, 150-deı stýdent osy aksııaǵa qatysýǵa nıet tanytty. Olardyń qatarynda Alikhan Bokeikhan University-den 76 stýdent, Semeı medısına ýnıversıtetinen 20 stýdent, R.Baıseıitov atyndaǵy Semeı qarjy-ekonomıkalyq kolledjinen 15 stýdent, Innovative college bilim berý uıymynan 15 stýdent jáne M.Tólebaev atyndaǵy mýzykalyq kolledjden 15 stýdent bar», dedi uıym­dastyrý komıtetiniń ókili Ersin Murathan. 

Semeıdegi ekologııalyq aksııaǵa stýdentterden bólek saıabaqta serýen­dep júrgen mektep oqýshylary da atsalysyp, shahardy tazartýǵa kó­mektesti.

Semeı halqy jastardyń bas­tamasyna rızashylyqtaryn jetkizip, aldaǵy ýaqytta oblys ortalyǵynyń basqa aýdandaryn birlesip tazartýǵa daıyn ekenderin bildirdi.

Tutastaı alǵanda, sol kúni 80 qap qoqys jınalyp, Beıbitshilik ara­lyn ajarlana tústi. Taıaý ýa­qyt­ta uıym­dastyrýshylar osyn­daı eko­lo­gııalyq aksııalardy qa­la­lyq jáne oblystyq dengeıde jal­ǵas­ty­rý­dy kózdep otyr.

Abaı oblysy