Endi áleýmettik tólemder onlaın rejimde 1-2 mınýt ishinde tólem maqsaty boıynsha túsedi. Eger buryn bereshek bolsa jáne salyq tóleýshiniń banktik shotyna tyıym salynsa, endi onlaın tólem túsken kezde kelesi kúni banktik shot ashylady.
Buryn bundaı jaǵdaıda shot ashý úshin 2-3 kún kútý kerek bolatyn. Bul týraly Qarjy mınıstrligi Memlekettik kirister komıtetinde habarlady.
Bıýdjetten tys tólemder týraly málimetterdi (mindetti zeınetaqy jarnalary, áleýmettik aýdarymdar, mindetti áleýmettik medısınalyq saqtandyrý aýdarymdar jáne jarnalarynyń túsimderi) alý ýaqytyn qysqartý maqsatynda «Halyq banki» AQ jáne «Kaspıı bank» AQ-men «elektrondyq úkimet» tólem shlıýzi (EÚTSh) arqyly júrgizilgen bıýdjetten tys tólemder týraly aqparatty onlaın berý qyzmeti engizildi. Aldaǵy ýaqytta basqa ekinshi deńgeıli bankterdiń qosylýy kútilýde.
Bul aqparatty onlaın alý salyq tóleýshilerdiń memlekettik satyp alýǵa qatysý, memlekettik, banktik jáne t.b. qyzmetterdi alý úshin áleýmettik tólemder boıynsha tólemin jedel kórsetýge múmkindik beredi.