Ulttyq ekonomıka mınıstri Álibek Qýantyrov Úkimet otyrysynda eldiń 2022 jylǵy toǵyz aıdaǵy áleýmettik-ekonomıkalyq damýy týraly aqparat berdi, dep habarlaıdy Egemen.kz.
Ulttyq ekonomıka mınıstrliginiń basshysy qańtar-qyrkúıek aılarynda Qazaqstan ekonomıkasynyń ósý qarqyny 2,8%-dy quraǵanyn, onyń ishinde naqty sektordaǵy ósim 3,1%, qyzmet kórsetý salasy 1,9%-ǵa óskenin aıtty.
Mınıstr atap ótkendeı, salalar arasynda aýyl sharýashylyǵy, aqparat jáne baılanys, qurylys, kólik jáne qoıma, óńdeý ónerkásibi, saýda jáne taý-ken ónerkásibi oń ósim kórsetti.
«Negizgi kapıtalǵa ınvestısııalardyń ósý qarqynynyń 7%-ǵa deıin jedeldeýi baıqalady», dedi Álibek Qýantyrov.
QR UEM basshysynyń derekteri boıynsha bilimge ınvestısııalar aǵyny 45,7%-ǵa, saýdaǵa 23,3%-ǵa, qurylysqa - 22,9%-ǵa, jyljymaıtyn múlikpen operasııalar boıynsha - 17,5%-ǵa, taý-ken óndirý ónerkásibine - 10,7%-ǵa, kólik pen qoımalaýǵa - 9,2%-ǵa, aýyl sharýashylyǵynda - 7,5%-ǵa ósti.