Qazaqstannyń Ýkraınadaǵy elshileri jaqyn kúnderi evakýasııalanady. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy Egemen.kz.
Buǵan deıin Qazaqstannyń Ýkraınadaǵy elshiligi aqparattyq habarlamada Qazaqstan azamattaryn elden ketýge shaqyrǵan bolatyn.
Aıbek Smadııarovtyń aıtýynsha, qazir Syrtqy ister mınıstrligi Ýkraınada qansha Qazaqstan azamaty bar ekeni týraly aqparatty tekserip jatyr.
«Sońǵy oqıǵalarǵa baılanysty bul kórsetkish ártúrli. О́zderińiz kórip otyrǵandaı, keshe Ýkraınadaǵy elshiligimizden olarǵa osyndaı jaǵdaıda qandaı da bir kómek kórsetý týraly habarlama jarııalandy. Birinshi evakýasııa kezinde kóbi ketip qaldy, keıbiri qalyp qoıdy, sondyqtan naqty sandy aıta almaımyn», dep jaýap berdi Aıbek Smadııarov Úkimet otyrysynan keıin jýrnalıster qoıǵan saýalǵa.
Ol shekaralardyń ashyq ekenin, biraq Ýkraınadan evakýasııanyń birinshi tolqynynan keıin kópshiligi úılerine oralǵanyn naqtylady.
«Qazir elshilik te jumys istep jatyr. Endi másele elshilikti jabýda emes, bizdiń elshilik qyzmetkerlerin evakýasııalaýda. Bul másele aldaǵy kúnderi sheshimin tabady. Evakýasııa tolyǵymen aıaqtalýy ábden múmkin», dedi Aıbek Smadııarov.