Qyzylorda oblysy boıynsha memlekettik kirister departamentine jańa basshy taǵaıyndaldy. Ǵanı Amanov osy ýaqytqa deıin Memlekettik kirister komıteti kadr jáne ishki ákimshilendirý departamentiniń dırektory qyzmetin atqarǵan, dep habarlaıdy Egemen.kz.
Ǵanı Amanov 1979 jyly Qyzylorda oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetiniń 2020 jyly «quqyqtaný» mamandyǵy boıynsha bakalavrıatyn, 2002 jyly magıstratýrasyn, 2019 jyly «memlekettik jáne jergilikti basqarý» mamandyǵy boıynsha I. Jansúgirov atyndaǵy Jetisý memlekettik ýnıversıtetin bitirgen.
Eńbek jolyn 2003 jyly Almaty oblysy boıynsha salyq komıtetinde salyq ınspektory retinde bastap, bas maman, bólim basshysy, basqarma basshysy, oblystyq departament basshysynyń orynbasary qyzmetterin atqarǵan.
2009 jyldan bastap «Astana - jańa qala» salyq departamenti basshysynyń orynbasary, 2010-2014jj. – Almaty qalasy boıynsha salyq departamenti basshycynyń orynbasary, 2014-2015 jj. – QR Memlekettik kirister komıtetinde basqarma basshysy.
2015-2021 jj. kvazımemlekettik sektor kompanııalarynda basshylyq qyzmetterin atqarǵan.
2021 jyldan bastap qazirgi ýaqytqa deıin QR QM MKK Kadrlar jáne ishki ákimshilendirý departamenti dırektory qyzmetin atqardy.
«Eren eńbegi úshin» medalimen, «Salyq qyzmetiniń úzdigi» tósbelgisimen nagradtalǵan.