Joǵary sot keńesi (JSK) jemqorlyq jasady degen kúdikke ilingen sýdıa Svetlana Jolmanovany qyzmetinen bosatý týraly sheshim qabyldady, dep habarlaıdy Egemen.kz.
«6 qazanda Joǵarǵy Sot janyndaǵy Sot alqasy Almaty qalasy Medeý aýdandyq sotynyń sýdıasy S.S.Jolmanovaǵa qatysty tártiptik isti qarady. Onda sýdıanyń sot isteri boıynsha taraptardyń ókilderimen prosessýaldyq emes baılanysqa jol berýimen baılanysty, sýdıalyq etıkaǵa qaıshy keletin, bedelin túsiretin teris qylyq jasaý faktisi boıynsha – sýdıa S.S.Jolmanovaǵa qyzmetinen bosatý túrindegi tártiptik jaza qoldanylady. Sheshim zańdy kúshine engen joq, Jolmanova S.S. Joǵarǵy Sotqa shaǵymdanýǵa quqyǵy bar», dedi keńestiń baspasóz qyzmeti.
Eske salaıyq, 2021 jyldyń 29 sáýirinde Svetlana Jolmanovanyń kabınetinen 10 myń dollar tabylǵan bolatyn. Ulttyq qaýipsizdik komıteti arqyly tergeý bastalyp, sýdıa ol aqshanyń zańdy jáne úıge jınaǵan qarajaty ekenin aıtqan. Alaıda 2022 jyldyń basynda jańa derek, eki áıeldiń áńgimesi jazylǵan beınejazba jarııalandy, boljam boıynsha – bul Joǵarǵy Sotpen máseleni aqshamen sheshpek bolǵan kásipker Vıktor Mashenkonyń áıeli men Jolmanovaǵa uqsas áıel.
Jansaıa ÁNÝAR