Túrkııa Respýblıkasynyń prezıdenti Rejep Taııp Erdoǵannyń Qazaqstanǵa memlekettik sapary aıasynda ótken kelissózderden keıin Memleketter basshylary eki el arasyndaǵy dıplomatııalyq qarym-qatynastardyń ornatylǵanyna 30 jyl tolýyna baılanysty birlesken málimdemege qol qoıdy, dep habarlaıdy Egemen.kz Prezıdenttiń baspasóz qyzmetine silteme jasap.
Sondaı-aq resmı delıgasııalardyń músheleri kelesi qujattarǵa qol qoıdy:1. Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy densaýlyq saqtaý salasyndaǵy yntymaqtastyq týraly kelisim;
2. Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy veterınarııalyq qyzmetter kórsetý saıasaty jáne tamaq ónimderiniń qaýipsizdigi salasyndaǵy yntymaqtastyq týraly kelisim;
3. Qazaqstan Respýblıkasynyń Mádenıet jáne sport mınıstrligi men Túrkııa Respýblıkasynyń Mádenıet jáne týrızm mınıstrligi arasyndaǵy mýzeı isi, eskertkishterdi qorǵaý jáne restavrasııalaý salasyndaǵy yntymaqtastyq týraly memorandým;
4. Qazaqstan Respýblıkasynyń Mádenıet jáne sport mınıstrligi men Túrkııa Respýblıkasynyń Mádenıet jáne týrızm mınıstrligi mádenıet salasyndaǵy yntymaqtastyq týraly memorandým;
5. Qazaqstan Respýblıkasynyń Saýda jáne ıntegrasııa mınıstrligi men Túrkııa Respýblıkasynyń Saýda mınıstrligi arasyndaǵy tehnıkalyq retteý, standarttaý, metrologııa, akkredıtteý jáne sáıkestikti baǵalaý salasyndaǵy yntymaqtastyq jónindegi ózara túsinistik týraly memorandým;
6. Qazaqstan Respýblıkasynyń Eńbek jáne halyqty áleýmettik qorǵaý mınıstrligi men Túrkııa Respýblıkasynyń Otbasy isteri, eńbek jáne áleýmettik qyzmetter mınıstriligi arasyndaǵy yntymaqtastyq jónindegi ózara túsinistik týraly memorandým.