Kiris komıtetiniń deregi boıynsha Almaty oblysy múlik salyǵynyń qaryzy tiziminde kósh bastap tur. Iаǵnı aımaqta salyq tólemegen 179 820 jeke tulǵa bar.
Jalpy, sońǵy ýaqytta oblysta salyqtan jaltarý men bereshekti ótemeýge qatysty daýly ister kóbeıip otyr. Sondaı jaǵymsyz oqıǵanyń biri Qonaev qalasynda ornalasqan oıynhanalardyń birinen anyqtalǵan. Bul týraly jedel tekserý júrgizgen oblystyq prokýratýranyń ókilderi málimdedi.
– Qazir oblystyq prokýratýranyń talaby boıynsha salyq salasynyń mamandary Qonaevtaǵy oıynhanalarǵa jospardan tys tekseris júrgizip jatyr. Tekserý kezinde zań buzý faktisi anyqtaldy. Máselen, oıyn avtomattary qoıylǵan zaldardyń barlyǵynda utys aqshanyń paıyzyn durys ótemeý faktisi tirkeldi. «Oıyn bıznesi týraly» zańynyń 12-baby 6-bóligi boıynsha qonaqtar utystyń 95 paıyzyn alýy kerek, sáıkesinshe, oıynhana 5 paıyzyn ustap qalýǵa quqyly. Alaıda oıynhana utystyń 25-30 paıyzyna deıin, tipti keıbir zaldarda 50 paıyzǵa deıin úlesti alyp qalyp otyrǵan. Tekseris barysynda oıyn bıznesimen aınalysatyndardyń qaltasynda 2,6 mlrd teńge qalǵany anyqtaldy. Bul qarjy qonaqtar jeńgen kezinde berilýi kerek bolǵan, – deıdi oblystyq prokýratýranyń baspasóz hatshysy Maqsat Ábirov.
Almaty oblysy