ASTANA. 22 mamyr. Tarıhshylarymyz ata-babalarymyzdyń ejelden dıplomatııalyq qarym-qatynasty joǵary deńgeıde damytqanyn dáleldeıtin tyń derekter tapty. Atalǵan qujattar Úndistan, Iran muraǵattarynda saqtalyp kelgen. Bul týraly «Almaty» telearnasy habarlady.
Qazaq handyǵy tarıhyna baılanysty tynbaı eńbek etip júrgen ǵalym, Almatydaǵy Shyǵystaný ınstıtýtynyń ǵylymı qyzmetkeri Ǵalııa Qambarbekovanyń aıtýynsha, qazaq handary men shyǵys bıleýshileriniń arasynda parsy tilinde hat almasýlar bolǵan. Ony Úndistan men Iran muraǵattarynan tabylǵan sırek qoljazbalar rastaıdy. Naqtysyn aıtqanda, Táýke han, Qasymhan han, Jalańtós Bahadúr jaıly buryn-sońdy ǵylymı aınalymǵa túspegen, aıtylmaǵan derek-qujattardyń kóshirmeleri qazaq jerinde dıplomatııalyq baılanystardyń joǵary deńgeıde damyǵanyn dáleldeıdi.
Ǵalııa Qambarbekova: «Monsha attyń ishinen Tavakýl han degendi kezdestirip qaldym. Tarıhtyń túb tamyryna úńilý úshin jan-jaqty zertteı bastadym. Nátıjesinde Tavakýl han qazaq degendi bildiretinine kózim jetti», – dedi. .
Sonaý Úndistan, Iran muraǵattarynan ózimizge qatysty tarıhı tyń qujattardyń tabylýy tarıhshylarymyzdy bir serpiltip tastady. Olar bul isti úlken zertteý jumystarynyń alǵashqy qadamy dep otyr.
Osyǵan baılanysty tarıh ǵylymdarynyń kandıtaty Aıtjan NURMANOVA: «Bul hattar halyq jáne tarıh úshin mańyzdy. О́ıtkeni, biz úshin parsy tildi qoljazbalar óte qundy. Sebebi, bizdiń tarıhta ashylmaı jatqan aqtańdaqtar óte kóp», – dedi.
Endi mamandar áli tolyǵymen zerttelip bitpeı jatqan kóne jazýlardy arnaıy mamannyń kómegine júgine otyryp aýdarýdy kózdep otyr.
Joldybaı Bazar.
Derekkóz: «Almaty» telearnasy.
Foto: «Almaty» telearnasy.