Keıingi kezderi ashyq arandatýshylyq baǵyttaǵy, manıpýlıasııa aqparattar kóbeıip ketti. Bul týraly Aqparat jáne qoǵamdyq damý mınıstri Darhan Qydyráli feısbýktegi paraqshasynda jazdy, dep habarlaıdy Egemen.kz.
«Qazaqstanda bolmaǵan oqıǵany osy jerde boldy dep kórsetý, feık aqparatty taratýdyń túpki maqsaty belgili. Qazir elimizde ótip jatqan halyqaralyq is-sharalar men kóptegen eldiń lıderleriniń kelýi, halyqaralyq deńgeıdegi túrli tarıhı mańyzdy sheshimderdiń qabyldanýy Qazaqstan ımıdjine oń áser eteri belgili. Al álgindeı jalǵan, ádeıi jasalǵan aqparattyq shabýyldar ýyzdaı uıyp otyrǵan ulttyń berekesin ketirý úshin ádeıi jasalatyny anyq. Sondyqtan ásirese, áriptesterime áleýmettik jelidegi tekserilmegen aqparattarǵa sergek qarap, tek qana dáıekti málimetterge súıenýin suraımyz», dep jazylǵan mátinde.