Batys Qazaqstan oblysynyń Jánibek aýdanynda aqbókenderdiń qyrylýyna qatysty saraptama júrgiziledi. Qońyrat jáne Jiger eldi mekenderinen aqbókenderdiń bes ushasy tabyldy, dep habarlaıdy Egemen.kz.
Ekologııa, geologııa jáne tabıǵı resýrstar mınıstrligi oqıǵa ornynda Jánibek aýdany ákiminiń orynbasarymen, jergilikti polısııa jáne veterınarııalyq mamandarmen birlesip ishki organdardan aqbókenderdiń ólekselerinen saraptaýǵa arnalǵan synama alynǵanyn atap ótti.
«Keıin ólekseler mal qorymynyń aýmaǵynda joıyldy», delingen habarlamada.
Batys Qazaqstan oblystyq aýmaqtyq ınspeksııasynda habarlaǵandaı, Qońyrat aýdanynyń aýmaǵynda múıizi bar aqbókenderdiń eki ushasy, Jiger aýdanynyń aýmaǵynda aqbókenderdiń úsh ushasy tabyldy.
23 tamyzda Qazaqstanda aqbókenderdi aýlaýǵa ruqsat etiletini belgili boldy. Bul rette Ekologııa mınıstrliginiń basshysy Serikqalı Brekeshev bul másele boıynsha birjaqty sheshim qabyldanbaǵanyn, jurtshylyqtan kelip túsetin túrli nusqalar qaralyp jatqanyn aıtty.