Teńiz jaǵalaýyndaǵy kórshimiz Ázerbaıjan eliniń astanasy – Bakýde bokstan halyqaralyq týrnır ótti. Bıyl 12-shi ret ótip otyrǵan «Geıdar Alıev kýbogy-2014» týrnırine 150 eldiń sportshylary qatysty.
Vengrııa, Grýzııa, Irlandııa, Latvııa, О́zbekstan, Fınlıandııa, Fransııa, Qazaqstan, Qyrǵyzstan, Reseı, Túrikmenstan jáne alań ıeleri qatysqan boks dodasynda 13 medal jıyntyǵy sarapqa salyndy.
Mańǵystaý oblystyq boks federasııasy baspasóz qyzmetiniń habarlaýynsha, Qazaqstan qurama komandasy sátti oıyn kórsete alǵan. Otandastarymyz jalpy komandalyq esepte Ázerbaıjannan soń ekinshi oryndy ıelenipti.
75 kg. salmaq dárejesindegi mańǵystaýlyq boksshy B.Nurdáýletov ótken jylǵy Eýropa chempıony reseılik boksshyny fınalda jeńip, altyn medaldi jeńip alǵan. Al, 54 kg. salmaq dárejesine deıingiler arasyndaǵy aıqasta taǵy bir Mańǵystaýdan shyqqan boksshy B.Jetibaev qola medalmen oraldy.
Teńizdiń arǵy betinde top jarǵan qazaq ulandarynyń jeńisi úshin jerlester qýanýda.
Gúlaıym ShYNTEMIRQYZY,
«Egemen Qazaqstan».
AQTAÝ.