2022 jylǵy 15 qazanda Nurlan Ábdirovtiń tóraǵalyǵymen Meıram Zekeshuly Qajykendi Qazaqstan Respýblıkasynyń Prezıdenttigine kandıdat retinde tirkeý máselesi boıynsha Ortalyq saılaý komıssııasynyń otyrysy ótti, dep habarlaıdy Egemen.kz OSK-ǵa silteme jasap.
Kún tártibindegi másele boıynsha Ortsaılaýkom múshesi Shavqat О́temisov baıandama jasady. Ol 2022 jyldyń 4 qazanynda Ortalyq saılaý komıssııasyna «Amanat» Qazaqstannyń kásipodaqtar yntymaqtastyǵy» respýblıkalyq kásipodaqtar birlestigi M.Z. Qajykendi Qazaqstan Respýblıkasynyń Prezıdenttigine kandıdat etip usyný týraly qujattardy usynǵanyn habarlady. Ortalyq saılaý komıssııasyna kandıdatty tirkeý úshin mynadaı qujattar usynyldy:
- Prezıdenttikke kandıdat M.Z.Qajykenniń jáne onyń zaıybynyń aktıvter men mindettemeler jóninde deklarasııa tapsyrǵany týraly memlekettik kirister organynyń anyqtamasy;
- Prezıdenttikke kandıdat M.Z. Qajykenniń ony tirkeýge kedergi keltiretin aýrýlardyń joqtyǵy týraly medısınalyq qorytyndysy;
- oblystardyń, respýblıkalyq mańyzy bar qalalardyń jáne Respýblıka astanasynyń aýmaqtyq saılaý komıssııalarynyń Prezıdenttikke kandıdat M.Z. Qajykendi qoldap jınalǵan azamattardyń qoldaryn tekserý nátıjeleri týraly hattamalary.
Osy hattamalarǵa sáıkes Prezıdenttikke kandıdat M.Z. Qajykenniń qoldaýyna Qazaqstannyń 14 óńirindegi 122 184 azamattyń qoly jınaldy. Tekserý nátıjesinde 120 055 qoldyń durystyǵy anyqtaldy, ıaǵnı qajetti sany, keminde 1% nemese 118 273 qamtamasyz etildi.
M.Z. Qajykendi Prezıdenttikke kandıdat retinde tirkeýge qajetti barlyq qujattar Ortalyq saılaý komıssııasyna usynyldy jáne olarǵa qoıylatyn talaptarǵa tolyq sáıkes keledi.
QR OSK qaýlysymen Meıram Zekeshuly Qajyken 2022 jylǵy 20 qarashaǵa taǵaıyndalǵan Qazaqstan Respýblıkasynyń Prezıdentiniń kezekten tys saılaýynda Qazaqstan Respýblıkasynyń Prezıdenttigine kandıdat bolyp tirkeldi, oǵan tıisti kýálik berildi.
Ortalyq saılaý komıssııasy otyrysynyń qorytyndysy boıynsha buqaralyq aqparat quraldary ókilderiniń qatysýymen M.Z. Qajykenniń brıfıngi ótti.