Otbasy merekesi – Otan berekesi

8-shi ret uıymdastyrylyp otyrǵan ıgilikti is-sharaǵa óńir aýmaǵyndaǵy aýdan-aýdandardan 20 otbasy qatysty. Mundaǵy maqsat – otbasylyq qundy­lyqtardy dáripteý, otbasy ınstı­týtynyń mártebesin kóterý, ata-ana­lar­dyń bala tárbıesindegi jaýap­ker­shiligin arttyrý, qazaq halqynyń áýlet tár­bıesin ulttyq qundylyq retinde jan­dandyryp, ony árbir shańyraqqa engizý arqyly jaǵymdy ımıdjin qa­lyptastyrý.

Saltanatty sharada sóz alǵan Jetisý oblysy ákiminiń orynbasary Rýstam Álı sońǵy aılarda jasóspirim stýdentterdiń óz-ózine qol jumsaý faktileri oryn alǵanyn aıtyp, alańdaýshylyǵyn jetkizdi.

«Árbir jeke isti taldaı kele bir jalpy qorytyndy jasaldy. Keleńsizdikke ákelgen másele, eń aldymen otbasylyq qatynastarda jatyr. Balanyń otba­synda alatyn basty qundylyǵy tár­bıesi ekenin umytpaýymyz kerek. Son­dyqtan úlgili otbasylarymyz kó­beıip, ózgelerge jol kórsetse eken deımin», dedi R.Álı

Oblystyq qoǵamdyq damý basqar­masynyń uıymdastyrýymen ótken sa­ıys­ta birinshi oryndy taldyqorǵandyq Andas otbasy jeńip aldy. Otbasynyń aqyl­shysy, «Altyn alqa» ıegeri Aýes­han Majaı mundaı baıqaýlar ult rýhanııatynyń altyn bastaýy ekenin atap ótti.

«Halqymyzdyń berekesi de, ult retinde san qıyndyqtan súrinbeı ótýi de otbasyndaǵy yntymaq pen meıi­rim­niń negizinde qalyptasqan. An­das ot­basy ǵylym men bilim, shyǵar­mashy­lyq pen ata murasyn, áke jolyn uqyp­ty jalǵastyryp kele jatyr. Atalarymyzdyń amanatyn biz saqtasaq, balalarym ákesiniń murasyn ardaqtap urpaq sabaqtastyǵynyń úlgisine aınalýda. Bul úrdis odan ári de jalǵasa bermek. Aramyzda osyndaı otbasylar kóp. Olardyń da mereıi tası bersin dep tileımin», dedi A.Majaı.

Odan keıin ekinshi oryndy ala­kóldik Hıag, úshinshi oryndy aqsýlyq Kenjebaevtar otbasy enshiledi. Jeńim­paz atanǵan otbasy endi respýblıkalyq baıqaýda baq synaıdy.

Jetisý oblysy