Ekologııa, geologııa jáne tabıǵı resýrstar mınıstriniń buıryǵymen Erlan Esenáliuly Aqbarov Qazaqstan Respýblıkasy Ekologııa, geologııa jáne tabıǵı resýrstar mınıstrligi Geologııa komıtetiniń tóraǵasy bolyp taǵaıyndaldy, dep habarlaıdy Egemen.kz QR Premer-Mınıstriniń baspasóz qyzmetine silteme jasap.
Erlan Esenáliuly Aqbarov 1975 jylǵy 25 sáýirde Ońtústik Qazaqstan oblysynda dúnıege kelgen.
V.I. Lenın atyndaǵy Qazaq polıtehnıkalyq ýnıversıtetin, M.H. Dýlatı atyndaǵy Taraz memlekettik ýnıversıtetin, Qaraǵandy tehnıkalyq ýnıversıtetin bitirgen.
Eńbek jolyn 1998 jyly Jańaózen qalasyndaǵy «О́zenMunaıGaz» AQ-da operator bolyp bastady.
2002-2005 jyldary «Qazburgaz» AQ-da ınjener-geolog bolyp jumys istedi.
Ár jyldary jeke menshik kompanııalarda qyzmet etti.
2018 jylǵy qańtardan 2019 jylǵy sáýirge deıin – «Almaty qalasyndaǵy QR Investısııalar jáne damý mınıstrligi Geologııa jáne jer qoınaýyn paıdalaný komıtetiniń «Ońtústikqazjerqoınaýy» Ońtústik Qazaqstan óńiraralyq geologııa jáne jer qoınaýyn paıdalaný departamenti» RMM basshysynyń orynbasary.
2019 jylǵy sáýirden bastap – «Almaty qalasyndaǵy QR Indýstrııa jáne ınfraqurylymdyq damý mınıstrligi Geologııa jáne jer qoınaýyn paıdalaný komıtetiniń «Ońtústikqazjerqoınaýy» Ońtústik Qazaqstan óńiraralyq geologııa jáne jer qoınaýyn paıdalaný departamenti» RMM basshysy.
2020 jylǵy maýsymnan 2021 jylǵy maýsymǵa deıin – «Qazgeologııa» Ulttyq geologııalyq barlaý kompanııasy» AQ basqarma tóraǵasynyń orynbasary.
2021 jylǵy maýsymnan qazirgi ýaqytqa deıin jeke menshik sektorda jumys istedi.