Reseıdiń Krasnodar ólkesiniń Eısk qalasynda Sý-34 joıǵysh ushaǵy turǵyn úıge soǵyldy, dep habarlaıdy Egemen.kz.
Reseı Qorǵanys mınıstrliginiń málimetinshe, Sý-34 Ońtústik áskerı okrýginiń áskerı aerodromynan oqý-jattyǵý tapsyrmalaryn oryndaý úshin áýege kóterilgen.
Vedomstvo taratqan aqparatta ushaqtyń qozǵaltqyshy isten shyqqany jaıly aıtylǵan. Tótenshe jaǵdaı saldarynan ǵımarat órtke oranǵan.
«Ushaq apaty saldarynan toǵyz qabatty úı otqa orandy. О́rt birden birneshe qabatty sharpyǵan. 17 páter zaqymdandy», dedi Krasnodar ólkesiniń gýbernatory Venıamın Kondratev.
Eıskide tótenshe jaǵdaı saldarynan 19 adam zardap shekti, úsh adam qaza tapty. Bul týraly derek Krasnodardaǵy jedel shtabtyń Telegram-kanalynda jarııalanǵan.