Qazaqstandyq kolledj túlegi Dına Afanaseva WorldSkills Competition 2022 Special Edition álem chempıonatynda qola medal jeńip aldy, dep habarlaıdy Egemen.kz.
Jarys 9-17 qazan aralyǵynda Koıan qalasynda (Ońtústik Koreıa) ótti. Otandasymyz «Veb-tehnologııalar» quzyrettiligi boıynsha osyndaı joǵary nátıjege qol jetkizgen.
«Bul dúnıejúzindegi kolledj stýdentterine arnalǵan eń bedeldi jarysta alǵan Qazaqstannyń alǵashqy medali. Byltyr Pavlodar kolledjiniń stýdenti bolǵan Dına «Veb-ázirleý» baǵyty boıynsha EuroSkills Graz 2021 Eýropa chempıonatynda qola medal jeńip alǵan bolatyn. Dınany jeńisimen quttyqtaımyn!
Onyń eńbegi, bilimi men tabandylyǵy elimizdiń barlyq kolledj stýdentterine úlgi. Sondaı-aq áriptesim, elordalyq kolledj oqytýshysy Aıjan Zııadanovaǵa stýdentiniń tamasha nátıjesi úshin alǵys aıtqym keledi. Alda Dınany jańa jeńister men bıik belester kútip turǵanyna senimdimin. WorldSkills Competition 2022 Special Edition-ǵa 60-tan astam el 63 negizgi quzyrettilik pen 1 demonstrasııalyq quzyrettilik boıynsha qatysyp jatqanyn atap ótkim keledi», dep jazdy Ashat Aımaǵambetov.