Ortaq pikir oraıyndaǵy áńgime

Qazaqstan Respýblıkasy Parlamenti Májilisi Tóraǵasynyń orynbasary Darıǵa Nazarbaeva VII Astana ekonomıkalyq forýmyna kelgen Aýǵanstan Islam Respýblıkasynyń Áıelder isi boıynsha mınıstri Hýsn Baný Gazanfarmen kezdesti, dep habarlady Májilistiń baspasóz qyzmeti. Májilistiń vıse-spıkeri Aýǵan­standa prezıdent saılaýynyń birinshi kezeńi tabysty ótkenimen quttyqtap, osy saılaý el ómiriniń aldaǵy turaqtylyǵynyń jańa kezeńi bolatynyna senim bildirdi. Darıǵa Nazarbaeva, sonymen qatar, Qazaqstan Aýǵanstanda beı­bitshilik pen turaqtylyq ornaǵanyn qoldaıtynyn jáne eki el arasyndaǵy dostyq baıla­nys­tardyń jalǵasyn tabýy úshin áreket etetinin atap ótti. Sondaı-aq, Májilistiń vıse-spı­keri­niń aıtýynsha, aýǵan qoǵamy úshin Aý­ǵanstan jastarynyń bilim alý baǵdar­lamasy erekshe oryn alatyn kórinedi. – Bul aǵartý jobasyna Qazaqstan Prezıdentiniń tapsyrmasymen 50 mıllıon dollar bólinip, júzege asyrylyp otyr. Bul aýǵan jastarynyń medısınalyq, tehnıkalyq jáne arnaıy bilim alyp shyǵýyna múmkindik týǵyzady, –  dedi Darıǵa Nazarbaeva. О́z kezeginde Hýsn Baný Gazanfar bizdiń Memlekettiń basshysyna Aý­ǵan­stannyń beıbit damýyna áser etip, qoldap otyrǵandyǵy úshin alǵysyn aıtyp, bilim berý baǵdarlamasynyń eli úshin mańyzyna toqtaldy. Taraptar áńgime barysynda Ortalyq Azııa elderi áıelderiniń aımaq memleketteriniń ózara baılanysynda, sonyń ishinde ekonomıkalyq baılanysty nyǵaıtýdaǵy ornyna erekshe nazar aýdardy. Májilis Tóraǵasynyń orynbasary qazaqstandyq áıelderdiń elimiz da­mýy­nyń órkendeýine, ásirese, Qazaqstan Táýelsizdiginiń alǵashqy jyldarynda qosqan úlesine toqtaldy. Aýǵanstannyń Áıelder isi boıynsha mınıstri bizdiń elimizdiń tájirıbesi, ási­rese, áleýmettik sala­daǵy jáne áıel­der­diń kásipkerlikke aralasýynyń Aý­ǵanstan úshin mańy­zyn atap ótti. Darıǵa Nazarbaeva parlament­ara­lyq baılanystar jaıynda sóz qozǵaǵanda, Aýǵanstanda parlament­arızmdi damytý qajettigine nazar aýdartty. Sonymen birge, Májilistiń vıse-spıkeri aýǵandyq depýtat-áıel­derdiń jetistigin, Aýǵanstan parla­mentinde sany únemi ósip, búginde 28%-ǵa jetkenin atap ótti. D. Nazarbaeva men H. Gazanfar Qa­­zaq­­stan men Aýǵanstan parla­ment­shileriniń, onyń ishinde áıel-depý­tattar arasyndaǵy baılanys­tar ekijaqty yntymaqtastyqty ulǵaı­týǵa orasan úles qosatyndyǵy jó­ninde ortaq pikir bildirdi.