Astanada «Nur Otan» partııasy Tóraǵasynyń birinshi orynbasary Baýyrjan Baıbektiń Lıvannyń «Ál-Mýstakbal» («Bolashaqtyń qozǵalysy») partııasy parlamenttik tobynyń jetekshisi, Lıvannyń burynǵy premer-mınıstri Fýad Sınıoramen kezdesýi ótti.
F.Sınıora bastaǵan Lıvan delegasııasy elimizge osy kúnderi Qazaqstannyń elordasynda ótip jatqan VII Astana ekonomıkalyq forýmyna qatysý saparymen kelip otyr.
Kezdesý barysynda taraptar Qazaqstan-Lıvan qarym-qatynastarynyń damý dınamıkasyn sóz etip, partııaaralyq únqatysýdy jolǵa qoıý qajettiligin atap ótti.
«Biz úshin sentrıstik ıdeıaǵa jaqyn lıberaldyq qundylyqtardy ustanatyn «Ál-Mýstakbal» partııasymen baılanystar ornatý óte mańyzdy. Bizdiń partııa ótken jylǵy júrgizilgen rebrendıngten keıin sentrıstik partııaǵa aınaldy. Kúni keshe ǵana «Hrıstıan-demokratııalyq odaǵy» ókilderimen, Konrad Adenaýer atyndaǵy qordyń ókilderimen kezdestik. Biz Eýropa halyqtyq partııasymen, QKP, «Sennýrı», «Edınaıa Rossııa» jáne ózge de partııalarmen tyǵyz jumys jasaýdamyz. Eń basty mindetimiz – qoǵamnyń senimin qalyptastyrý, ol bizdiń bıleýshi partııa retindegi jaýapkershiligimiz bolyp tabylady», – dep atap ótti kezdesýde Baýyrjan Baıbek.
О́z kezeginde Lıvannan kelgen qonaqtar partııanyń XV sezinde qabyldanǵan «Nur Otan» Doktrınasynyń tarıhı mańyzdylyǵyn atap ótti.
«Sizderdiń elderińizde Prezıdentterińizdiń saıasaty arqasynda beıbitshilik, tynyshtyq pen kelisim ornaǵan. Lıvan men Qazaqstannyń kózqarasy uqsas. Bizderdiń táýelsizdik, otbasy, salt-dástúr, eldiń erkindigi men birligin saqtaý sekildi uqsas qundylyqtarymyz kóp. Buǵan deıin ekonomıkalyq jáne saıası yntymaqtastyqty ornattyq, endi ózge salalarda ózara qarym-qatynasty damytýymyz kerek», – dedi kezdesý barysynda Fýad Sınıora.
Qazaqstan men Lıvan halyqaralyq ómirde kóptegen mańyzdy problema boıynsha uqsas ustanymdardy ustanyp, BUU, IYU jáne ózge de halyqaralyq jáne aımaqtyq uıymdar sheńberinde ózara qarym-qatynas jasaıdy. 2012 jyly Lıvan elimizdiń BUU Adam quqyǵy jónindegi keńesine múshe bolý kandıdatýrasyn, EHRO-2017-niń Astanada ótkizilýin, IYU janyndaǵy azyq-túlik qoryn qurýdy qoldaǵan bolatyn.
Sonymen qatar, keshe Baýyrjan Baıbek Eýropa Halyqtyq partııasynyń vıse-prezıdenti, Eýropa Parlamentiniń depýtaty Marıo Devıdpen kezdesti. Kezdesý barysynda sentrıstik ıdeologııany ustanatyn eýropalyq partııalarmen yntymaqtastyqty, sondaı-aq, «Nur Otan» partııasynyń konservatıvtik, lıberal-konservatıvtik ıdeologııany ustanatyn ońshyl saıası partııalar birlestigi –Halyqaralyq demokratııalyq odaqpen yntymaqtastyqty tereńdetý máseleleri talqylandy.