ASTANA. 23 mamyr. Qazaqstan men Qytaı arasynda bıdaı saýdasyna qatysty kelisim jasaldy. Bul týraly «Qazaqstan jańalyqtary» habarlady.
Qytaı 2014-2015 jyldary aralyǵynda elimizden 100 myń tonna bıdaı satyp alady. Bul kelisimge «QazAgro» Ulttyq basqarýshy holdıngi» aksıonerlik qoǵamynyń basqarma tóraǵasy Dýlat Aıtjanov pen Qytaıdyń KOFKO ulttyq kompanııasynyń vıse-prezıdenti Szıntao Chjı Memleket basshysynyń 19-20 mamyr aralyǵynda Qytaıǵa barǵan resmı sapary aıasynda qol qoıdy.
Sondaı-aq, eki el ókili úshinshi elderge tranzıtti saýdany júzege asyrý úshin bıdaı termınalynyń qurylysyn birlese qarjylandyrý máselesin qarastyrdy.
«QazAgro» Ulttyq basqarýshy holdıngi» aksıonerlik qoǵamynyń basqarma tóraǵasy Dýlat Aıtjanov: «Qytaı qazaqstandyq bıdaı men basqa da dándi jáne maıly daqyldar úshin mańyzdy strategııalyq naryqtardyń biri bolyp tabylady. Qol qoıylǵan eelisim – eki el arasynda bıdaı jetkizý salasynda turaqty saýda qatynastaryn retteýdegi alǵashqy qadamdardyń biri», – dedi.
Joldybaı Bazar.
Derekkóz: «Qazaqstan jańalyqtary».
Foto: elevatorist.com.