Júrgizilgen jedel-izdestirý is sharalary barysynda polısııa qyzmetkerlerimen 18 jáne 20 jastaǵy eki azamat ustaldy, dep habarlaıdy Egemen.kz.
Onyń biri kólik basqarýynda bolsa, ekinshisi boljam boıynsha jábirlenýshige oq atqan. Ustalǵan azamat moıyndaý kórsetpe belgilerin berdi. Aldyn ala boljam boıynsha Ulytau Mall saýda úıiniń aldynda jas jigitter arasynda sózge kelispeýshilik bolyp, sońy tóbeleske ulasqan. Oqıǵa ornynan ketý kezinde, kúdiktilerdiń biri 24 jastaǵy azamatqa oq atyp, ol jerden avtokólikpen izin jasyrǵan. Jábirlenýshi oq jaraqattarymen aýrýhanaǵa jetkizildi.
«Atalǵan fakt boıynsha Qazaqstan Respýblıkasy Qylmystyq Kodeksiniń 24-99 babyna sáıkes qylmystyq is qozǵaldy. Aıǵaq zattar tárkilendi. Kúdikti ýaqytsha ustaý ızolıatoryna qamalyp, tergeý amaldary júrgizilýde», dep jazylǵan Rolisia.kz taratqan habarlamada.
Oqıǵaǵa qatysýshylardyń barlyǵynyń jeke bastary anyqtaldy. Qazir olardy ustaý boıynsha keshendi sharalar júrgizilýde.