ASTANA. 23 mamyr. BUU Ekonomıkalyq jáne áleýmettik keńesiniń prezıdenti Martın Saıdık Astana ekonomıkalyq forýmyn ótkizýde baǵyt-baǵdar bergen róli úshin Nursultan Nazarbaevqa alǵysyn jetkizdi. Bul týraly «QazAqparat» habarlady.
Sondaı-aq, ol VII Astana ekonomıkalyq forýmy men Daǵdarysqa qarsy II dúnıejúzilik konferensııasynyń plenarlyq otyrysynda Astananyń jetistikteri maqtaýlarǵa laıyq ekenin atap ótti.
Osydan 15 jyl buryn Astanada bolǵan Martın Saıdık: «Osy jolǵy saparymda Astanadaǵy ózgerister meni shyn máninde qatty tańǵaldyrdy. 15 jyldyń ishinde Qazaqstan elordasy óte qatty ózgergen. Astana orasan zor qadam jasaǵan. Búginde ol gúldengen iri shaharǵa aınalyp otyr», – dedi.
Budan bólek, BUU Ekonomıkalyq jáne áleýmettik keńesiniń prezıdenti forým jóninde:«Maǵan VII Astana ekonomıkalyq forýmyndaǵy mańyzdy pikiralmasýlar men tereń taldaýlar qatty áser etti», – dedi.
Joldybaı Bazar.
Derekkóz: «QazAqparat».
Foto: unmultimedia.org.