ASTANA. 23 mamyr. Keden odaǵy elderiniń temirjoly Qytaıdan Eýroodaqqa júk tasymaldaý úlesin 10 ese ulǵaıtady. VII Astana ekonomıkalyq forýmynyń aıasynda ótken «Transeýrazııa-2014» IH halyqaralyq kólik-tranzıt jónindegi konferensııada Eýrazııalyq ekonomıkalyq komıssııanyń energetıka jáne ınfraqurylym jónindegi mınıstri (alqa múshesi) Danıal Ahmetov osylaı dedi. Bul týraly «QazAqparat» habarlady.
Jıynda Eýrazııalyq ekonomıkalyq odaq ınfraqurylymyn damytýda úılestirilgen kólik saıasatynyń yqpaly kóp balatynyn aıtqan ol kólik qyzmetteriniń jalpy naryǵyn qurý kerektigine toqtaldy.
Danıal Ahmetov: «Eýrazııalyq ekonomıkalyq odaq elderiniń traznzıttik tartymdylyǵyn arttyrýǵa Qazaqstan, Belarýs jáne Reseı temirjoldarynyń birikken kóliktik-logıstıkalyq kompanııasy járdemdesetin bolady. Biryńǵaı ekonomıkalyq keńistik aýmaǵy arqyly Qytaıdan Eýropalyq odaqqa temirjol tranzıttik tasymaly 10 ese ósip, 2020 jylǵa qaraı 7 paıyzdy quraıdy. Birlesken kóliktik logıstıkalyq kompanııa qurýdyń tujyrymdamasy men bıznes-josparyna sáıkes, 2020 jylǵa qaraı ınfraqurylymdy paıdalanýdan túsetin kirister 1,6 mlrd. dollardy quraıdy, bizdiń elderimizdiń ishki jalpy ónimdegi úlesi - 11,1 mlrd. dollar bolmaq. Sondaı-aq, 43 myń jańa jumys oryny qurylady, jalpy júk aınalymy 4 mln. konteınerden asady», – dedi.
Budan bólek, «Transeýrazııa-2014 konferensııasynan keıin ótken brıfıngte D.Ahmetov Qazaqstan, Belarýs jáne Reseı 2015 jyldyń ortasynda ortaq elektr-energetıkalyq naryq tujyrymdamasyn, al 2016 jyly onyń baǵdarlamasyn qabyldaıtynyn málimdedi.
Joldybaı Bazar.
Derekkóz: «QazAqparat».
Foto: zakon.kz.