ASTANA. 23 mamyr. Memleket basshysy VII Astana ekonomıkalyq forým men Daǵdarysqa qarsy II dúnıejúzilik konferensııasynda HHI ǵasyrdyń basy qaýipter men jańa syn-qaterlerge toly bolyp otyrǵanyna nazar aýdardy. Bul týraly akorda.kz habarlady.
Forýmda sóılegen sózinde Nursultan Nazarbaev: «Osydan 6 jyl buryn bastalǵan daǵdarys joıylyp ketken joq. Jyl ótken saıyn ulǵaıyp keledi. Adamzat álemdik damýdyń múlde jańa jobasyn kútýde. Men muny 2009 jyly-aq «Daǵdarystyń kilti» jáne «Besinshi jol» degen maqalalarymda aıtqan edim. Bul sońynan jańa álem paıda bolýy tıis, álemdik ósýdiń eski úlgisiniń daǵdarysy ekenin ýaqyt kórsetip otyr. Biz sonyń qarsańynda turmyz», – dedi.
Budan keıin VII Astana ekonomıkalyq forým jóninde pikirin bildirgen Memleket basshysy jıynǵa qatysýshylaryna tabys tileı otyryp: «Bul forým álemdegi ınklıýzıvtik ósýdi damytý men oǵan jaǵdaı jasaý týrasyndaǵy halyqaralyq pikirtalasqa óz úlesin qosady dep úmit artamyn», – dedi.
Taǵy bir aıta keter jáıt, forým qatysýshylaryna BUU Bas hatshysy Pan Gı Mýn beınejoldaý arnady. Sondaı-aq, jıyn barysynda álemdik qarjy-ekonomıkalyq daǵdarysqa qatysty Malaızııa premer-mınıstri N.Razak, BUU Ekonomıkalyq jáne áleýmettik keńesiniń prezıdenti M.Saıdık jáne Nobel syılyǵynyń laýreaty M.Iýnýs óz pikirlerin bildirdi.
Joldybaı Bazar.
Derekkóz: akorda.kz.
Foto: akorda.kz.