Bas prokýratýranyń quqyqtyq statıstıka jáne arnaıy esepke alý jónindegi komıteti usynǵan derekterge qaraǵanda, 2022 jyldyń 9 aıynda elimizde 10,2 myńǵa jýyq jol apaty oryn aldy, sonyń saldarynan 15 myńnan astam adam zardap shekti, dep habarlaıdy Egemen.kz.
О́tken jyldyń sáıkes kezeńimen salystyrǵanda jol-kólik oqıǵalarynyń ósýi 8,9%-dy qurady.
Jol apattarynyń nátıjesinde 1,7 myń adam qaza tapty, onyń ishinde 181-i kámeletke tolmaǵan balalar, 457-i áıelder jáne 1 258-i er adamdar.
Zardap shekkender arasyndaǵy kámeletke tolmaǵandardyń úlesi 19,9%-dy quraıdy, olar negizinen avtokólik quraldarynyń soqtyǵysýynan zardap shekkeni anyqtaldy.
Jalpy 532 JKO oryn aldy, onda 70 adam qaza taýyp, 783 adam túrli dene jaraqattaryn alǵan.
Statıstıkaǵa sáıkes, jol-kólik oqıǵalarynyń 86,6%-dan astamy júrgizýshilerdiń kinásinen boldy (8 886, 2021 jyly – 7 726), onyń ishinde 363-i (414) alkogoldik nemese esirtkilik mas kúıde bolǵan.
«Jol apatynan zardap shekkenderdiń ishinde 2 947 adam 30-39 jas aralyǵynda jáne 2 953 adam 21-29 jas aralyǵynda bolǵan. Sondaı-aq kinálilerdiń arasynda da kóbinese 30-39 jas aralyǵyndaǵylar tirkelgen - 2 616 adam, 21-29 jas aralyǵyndaǵy jastar – 2 395 jáne 60 –tan joǵary jastaǵy qarttar – 670 adamdy qurady», delingen habarlamada.
Jol apattarynyń basym bóligi nemese 7 471 eldi mekenderde oryn alǵan, 1 918 halyqaralyq, respýblıkalyq mańyzy bar trassalarda, 869 oblystyq, aýdandyq mańyzy bar joldarda tirkelgen.
«Apattardyń eń kóp sany Almaty qalasynyń joldarynda oryn alady – 2 620 jaǵdaı, al eń joǵary ólim kórsetkishi Almaty oblysynda anyqtaldy, onda 327 adam qaıtys boldy. Elordada 495 JKO tirkeldi. Apattardyń eń az sany Soltústik Qazaqstan oblysynda - 221 jáne Shymkent qalasy - 217 tirkelgen», dep delingen vedomstvo aqparatynda.