ASTANA. 23 mamyr. Qostanaı oblysy Rýdnyı qalasynda 24 sáýirden beri izdestirilip kelgen 7 jasar qyzdyń óli denesi tabyldy. Bul týraly «24kz» habarlady.
Esterińizge sala keteıik, osydan bir aı buryn qyz balany belgisiz er adam belgisiz jaqqa ertip áketken. Sol kúıinde úıine qaıtyp oralmaǵan Vıktorııa Ganıany polısııa qyzmetkerlerimen birge myńdaǵan erikti izdedi. Alaıda, jappaı izdestirý sharalarynyń sońy jerge kómilgen qyz balanyń máıitin tabýmen, ıaǵnı, ókinishti jaǵdaıda aıaqtaldy. Onyń jansyz denesi qala syrtyndaǵy salynyp jatqan ǵımarat ishinen tabylǵan.
Qostanaı oblystyq ishki ister departamentiniń baspasóz hatshysy Ádilbek Nurmaqın: «22 mamyr kúni Rýdnyı-Tobyl tasjolynyń boıynda qurylys júrip jatqan bir ǵımarat ishinen jas qyz balanyń máıiti tabyldy. Ol Rýdnyı qalasynda 24 sáýir kúni joǵalyp ketken Vıktorııa Ganıa ekenin ata-anasy tanyp otyr. Osyǵan baılanysty qazir saraptama jumystary taǵaıyndaldy. Atalǵan qylmysqa baılanysty Qylmystyq kodekstiń 96-baby boıynsha is qozǵalǵan. Qazirgi kezde kúdiktini izdeý jumystary júrgizilip jatyr», – dedi.
Joldybaı Bazar.
Derekkóz: «24kz».
Foto: «24kz».