Bul týraly Egemen.kz Prezıdenttiń baspasóz qymzetine silteme jasap habarlaıdy.
Dál qazir Memleket basshysy Qasym-Jomart Toqaevtyń Jetisý oblysy jurtshylyǵymen kezdesýi ótip jatyr.
«Jetisý oblysynyń strategııalyq maǵynasy barshaǵa belgili, tarıhy da tereń. Kıeli topyraqta Balpyq bı, Qaban jyraý men Molyqbaı qobyzshy dúnıege kelgen. Ilııas Jansúgirov, Bilál Súleev, Muhametjan Tynyshbaev sııaqty ardaqty azamattarymyz ósip-óngen. Sondaı-aq, qasıetti jerden Ábilhan Qasteev, Ǵalı Ormanov, Muqan Tólebaev, Ánýar Álimjanov syndy tól mádenıetimizdiń kórnekti ókilderi shyqqan. El ishinde bul aımaqty «Jetisýdyń jeti keremeti», «Jer jannaty Jetisý» dep beker aıtpaǵan», dedi Prezıdent jıylǵan jurttyń aldynda.
Aıta keteıik, keshe Qasym-Jomart Toqaev jumys saparymen Almaty oblysyna barǵan edi.
Prezıdent jurtshylyqpen kezdesýinde ólkeniń elimiz úshin erekshe orny bar ekenin atap ótip, Almaty oblysyn bólek ákimshilik aýmaq retinde qurýdyń jáne onyń ortalyǵyn Qapshaǵaı jaǵasyna kóshirýdiń mańyzdylyǵyna toqtalǵan bolatyn.