Prezıdent Jetisý oblysyndaǵy birqatar máselelerdi sheshýdi tapsyrdy, dep habarlaıdy Egemen.kz.
Memleket basshysy Jetisý oblysyndaǵy sý jáne gaz máselesine toqtalyp ótti. Sondaı-aq sol máseleni uzaqqa sozbaı, sheshýdi tapsyrdy.
«Taǵy bir mańyzdy másele. Bul – aýyz sýdyń sapaly bolýyn qamtamasyz etý. Mysaly, Tekelide jyldar boıy jalǵasyp kele jatqan túıtkildi bárińiz jaqsy bilesizder. Qala turǵyndary taza aýyz sýsyz otyr. Bul máseleni uzaqqa sozbaı sheshý kerek. Oblys jáne qala ákimderi atalǵan tapsyrmanyń oryndalýyna tikeleı jaýapty. Úkimet respýblıka bıýdjetinen aldaǵy jyly qarjy bólý máselesin qarastyrýǵa tıis», dedi Prezıdent.
Qasym-Jomart Toqaev kelesi mańyzdy baǵyt – óńirdi gazben qamtamasyz etý ekenin, bul shara halyqtyń jaıly ómir súrýine, turmys sapasyn jaqsartýǵa áser etetinin atap ótti.
«Jetisý halqynyń 90 paıyzy sýmen qamtamasyz etilgen. Alaıda, sý qubyry jelileriniń edáýir bóligi (ıaǵnı, 37,5%) ábden tozǵan. 1,2 myń shaqyrym qubyr jelisi kúrdeli jóndeýdi qajet etedi. Sondyqtan, óńirdegi qubyr jelilerin kezeń-kezeńimen jańartý – ákimdiktiń basty mindetiniń biri. Qurylys jumystaryn qatań baqylaýda ustaý kerek», dedi Prezıdent Jetisý oblysyndaǵy jumys sapary barasynda.