Bıyl jazda elimizde qant birden qymbattap, tipti, tapshylyq týyndady. Onyń bári quzyrly organdardyń salǵyrttyǵynyń kesirinen boldy. Bul týraly Prezıdent Jetisý oblysyndaǵy jumys sapary barysynda aıtty, dep habarlaıdy Egemen.kz.
Elimizdegi 4 qant zaýytynyń ekeýi Jetisýda ornalasqan. Onyń bireýi – Aqsý qant zaýyty jumys istemeı tur. Zaýytty iske qosýǵa 2017 jyldan bastap oblystyq bıýdjetten 12 mıllıard teńge jumsaldy. Alaıda, seriktes ınvestor tarapynan serpindi jumys baıqalmaı otyrǵanyn jetkizdi.
Prezıdent búginde qant salasyn damytýdyń 2026 jylǵa deıingi keshendi jospary ázirlengen. Oǵan 500 mıllıard teńgege jýyq ınvestısııa salý kózdelip otyrǵanyn atap ótti.
Memleket basshysynyń aıtýynsha, aldaǵy 5 jylda ózimiz óndiretin qanttyń úlesi 7 paıyzdan 43 paıyzǵa deıin ósedi degen boljam bar.
«Jetisý oblysynda qant qyzylshasy egiletin aýmaqty 2,5 ese ulǵaıtyp, 15 myń gektarǵa jetkizý josparlanyp otyr. Bıylǵy qant tapshylyǵy máselesi ózimizdiń sharýalardy qoldaý óte mańyzdy ekenin kórsetti. Járdem sharalary tek qazaqstandyq fermerlerdi qoldaýǵa arnalǵan», dedi Q.Toqaev jıyn barysynda.
Sondaı-aq, Memleket basshysy otandyq agro sektordy qoldaý jumystaryn odan ári jalǵastyratynyn jetkizdi.